LOan apps case: లోన్ యాప్ల కేసులో దిల్లీలోని హెచ్ఏఆర్ అసోసియేట్స్ ఛార్టెడ్ అకౌంటెంట్ రవికుమార్ను ఎన్ఫోర్స్మెంట్ డైరెక్టరేట్ అరెస్టు చేసింది. బోగస్ బిల్లులతో విదేశాలకు సొమ్ము తరలించడంలో రవికుమార్ కీలక పాత్ర పోషించినట్లు ఈడీ పేర్కొంది. రవికుమార్ను రేపటి నుంచి ఈనెల 9 వరకు ఈడీ కస్టడీకి నాంపల్లి కోర్టు అనుమతినిచ్చింది. గేమింగ్, డేటింగ్ యాప్ల పేరిట భారత్లో లక్షల మందిని మోసం చేశారన్న అభియోగంపై చైనీయులకు చెందిన లింక్యూన్ టెక్నాలజీ, డాకీపే టెక్నాలజీ సంస్థలపై ఈడీ దర్యాప్తు చేస్తోంది.
ed arrested chartered accountant : వెంట్రుకల వ్యాపారులకు హవాలా చెల్లింపులు, క్రిప్టో కరెన్సీ కొనుగోలు, తదితర రూపాల్లో వేల కోట్ల రూపాయలు అక్రమంగా దేశం మళ్లించారన్న మనీలాండరింగ్ అభియోగాలపై ఈడీ విచారణ జరుపుతోంది. బోగస్ విమాన బిల్లులు, నకిలీ క్లౌడ్ అద్దె బిల్లులు తయారు చేసి పలు బ్యాంకుల ద్వారా విదేశాలకు మళ్లించినట్లు దర్యాప్తు చేస్తున్న క్రమంలో ఈడీ గుర్తించింది. దర్యాప్తు అధికారులు ఇచ్చిన సమాచారం మేరకు హైదరాబాద్ సీసీఎస్ కేసు నమోదు చేసింది. సీసీఎస్ ఎఫ్ఐఆర్ ఆధారంగా బోగస్ బిల్లుల ద్వారా విదేశాలకు మళ్లింపుపై ఎన్ఫోర్స్మెంట్ డైరెక్టరేట్ మరో కేసు నమోదు చేసి విచారణ చేపట్టింది. బోగస్ బిల్లుల ద్వారా సొమ్ము మళ్లింపులో చార్టెడ్ అకౌంటెంట్ రవికుమార్ కీలక పాత్ర పోషించినట్లు ఈడీ గుర్తించింది.
loan apps case: డొల్ల కంపెనీల పేరిట 621 బోగస్ బిల్లులు, బ్యాలెన్స్ షీట్లపై సంతకాలు చేసినట్లు ఎన్ఫోర్స్మెంట్ డైరెక్టరేట్ తెలిపింది. ఒక్కో బోగస్ సర్టిఫికెట్కు 1,500 రూపాయలు తీసుకున్నట్లు ఈడీ పేర్కొంది. హాంకాంగ్కు సుమారు 1100 కోట్లు అక్రమంగా తరలించినట్లు ఈడీ వెల్లడించింది. ముంబైలోని ఎస్బీఐ, ఎస్బీఎం ద్వారా నిధులు చైనాకు వెళ్లినట్లు ఈడీ పేర్కొంది. డొల్ల కంపెనీల నిర్వాహకులు పరారీలో ఉన్నట్లు తెలిపింది. రేపటి నుంచి రవికమార్ను ప్రశ్నించేందుకు ఈడీ బృందాలు సిద్ధమయ్యాయి.
ఇదీ చూడండి: రుణ యాప్లలో సగానికి పైగా నకిలీవే: ఆర్బీఐ
