హైదరాబాద్ హయత్‌నగర్‌ పోలీస్‌స్టేషన్‌ పరిధిలోని పెద్ద అంబర్‌పేట్ ఓఆర్ఆర్ వద్ద ఘోర రోడ్డు ప్రమాదం (ROAD ACCIDENT) చోటుచేసుకుంది. నల్గొండ జిల్లా తిపర్తి మండలం తానేదార్పల్లి ఎంపీటీసీ దొంతం కవిత, ఆమె భర్త తెరాస నేత వేణుగోపాల్ రెడ్డి ఈ ఘటనలో మృతి చెందారు.
గత నెల 22న తమ కూతురు వివాహం వేడుకలు జరుపుకుని.. పనులు ముగిశాక అనంతరం వనస్థలిపురంలోని సహారా స్టేట్స్‌లోని తమ నివాసానికి వస్తుండగా ఈ ప్రమాదం జరిగినట్లు తెలుస్తోంది. రాత్రి పెద్దఅంబర్‌పేట్‌ వద్దకు రాగానే డివైడర్ వద్ద టిప్పర్ మూలమలుపు తీసుకుంటుండగా.. వేణుగోపాల్ దంపతుల వాహనం స్కార్పియోను టిప్పర్ వెనకాల నుంచి బలంగా ఢీకొట్టింది. ఈ ప్రమాదంలో దంపతులిద్దరూ అక్కడిక్కడే మృతి చెందారు. టిప్పర్ డ్రైవర్ పరాయ్యాడు. కేసు నమోదు చేసుకున్న పోలీసులు... మృతదేహాలను పోస్టుమార్టం నిమిత్తం ఉస్మానియా ఆసుపత్రికి తరలించారు. ఈ కేసుకు సంబంధించిన వివరాలు సేకరించి దర్యాప్తు ప్రారంభించారు.
