ETV Bharat / crime

కుమార్తెను ప్రేమించాడని.. కాళ్లు, చేతులు నరికేశారు

author img

By

Published : Apr 28, 2021, 12:03 PM IST

కుమార్తెను ప్రేమించాడనే అక్కసుతో యువకుడిపై మారణాయుధాలతో దాడి చేశారు యువతి తల్లిదండ్రులు. కిరాతకంగా కాళ్లు, చేతులు నరికేశారు. ఆస్పత్రిలో చికిత్స పొందుతూ యువకుడు మృతి చెందాడు.

murder at guntur
గుంటూరులో ప్రేమికుడు దారుణ హత్య

ఏపీలోని గుంటూరు జిల్లా పెద్దకాకాని మండలం కొప్పరావూరులో దారుణం జరిగింది. తమ కుమారైను ప్రేమించాడనే కోపంతో.. యువకుడి కాళ్లు, చేతులు నరికారు యువతి తల్లిదండ్రులు.

కొప్పరావూరుకు చెందిన వెంకటేశ్​.. అదే గ్రామానికి చెందిన యువతితో పరిచయం ఏర్పడింది. అది ప్రేమగా మారి.. ఇరువురు పెళ్లి చేసుకోవాలని నిశ్చయించుకున్నారు. విషయం తెలిసిన యువతి తండ్రి.. గ్రామంలో పంచాయితీ ఏర్పాటు చేశాడు. అనంతరం కొంతకాలంగా వెంకటేశ్​.. ఆ యువతికి దూరంగా ఉంటూ ఫోన్ చేసేవాడు. గమనించిన యువతి తండ్రి.. గత రాత్రి ఆ యువకుడిని పిలిపించాడు. గ్రామ శివారులో యువకుడి కాళ్లు, చేతులు కిరాతకంగా నరికేశారు.

సమాచారం అందుకున్న పోలీసులు.. ఆ యువకుడిని గుంటూరు ప్రభుత్వ వైద్యశాలకు తరలించగా చికిత్స పొందుతూ అర్ధరాత్రి వేళ మృతి చెందాడు. ఈ ఘటనపై పోలీసులు కేసు నమోదుచేసి దర్యాప్తు ప్రారంభించారు.

ఇవీచూడండి: తల్లి, తమ్ముడు, చెల్లిని హత్య చేసి...

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.