ఓ రియల్ ఎస్టేట్ వ్యాపారి అనుమానాస్పద స్థితిలో మృతి(suspicious death) చెందిన ఘటన హైదరాబాద్లోని జవహర్ నగర్ పోలీస్ స్టేషన్ పరిధిలో చోటుచేసుకుంది. బొల్లారం ప్రాంతానికి చెందిన రియల్ ఎస్టేట్ వ్యాపారి నవీన్రెడ్డి మృతదేహం కౌకూర్ చెరువు వద్ద ఉన్న చెట్లపొదల్లో పోలీసులకు లభించింది. నవీన్ రెడ్డి ఈ నెల 5 నుంచి అదృశ్యమైనట్లు పోలీసులకు కుటుంబ సభ్యులు ఫిర్యాదు చేశారు.
స్థానికుల సమాచారం మేరకు ఈ రోజు ఘటనా స్థలానికి చేరుకున్న పోలీసులు నవీన్ రెడ్డి మృతదేహాన్ని గుర్తించారు. రియల్ ఎస్టేట్ వ్యాపారంలో నష్టాలు రావడం వల్ల అప్పుల బాధతోనే అతను ఆత్మహత్య చేసుకున్నాడని పోలీసులు భావిస్తున్నారు.
గతంలో కూడా ఆత్మహత్యాయత్నానికి పాల్పడిట్లు పోలీసులు తెలిపారు. ఈ నెల 5 నుంచి అదృశ్యం అయిన అతను… ఈ రోజు కౌకూర్లో చనిపోయి కనిపించడంతో కుటుంబ సభ్యులు కన్నీరుమున్నీరుగా విలపించారు. కేసు నమోదు చేసుకున్న పోలీసులు.. అన్ని కోణాల్లో దర్యాప్తు చేస్తామని పేర్కొన్నారు.
ఇదీ చూడండి: Murder attempt: ప్రముఖ వ్యాపారవేత్త వాసంతి శెట్టిపై హత్యాయత్నం
