Revanth reddy letter: రాష్ట్రంలో వీఆర్ఏల పరిస్థితి నిర్బంధ కార్మికుల కంటే అధ్వానంగా తయారైందని ఆరోపిస్తూ ముఖ్యమంత్రి కేసీఆర్కు పీసీసీ అధ్యక్షుడు రేవంత్ రెడ్డి బహిరంగ లేఖ రాశారు. వాళ్లతో గొడ్డు చాకిరీ చేయించుకోవడం తప్ప వారి హక్కులు పరిరక్షించేందుకు ప్రభుత్వం చొరవ చూపటంలేదని ధ్వజమెత్తారు. ఏళ్ల తరబడి వారికి పదోన్నతులు ఇవ్వకపోవడంతో పాటు తగినంతగా వేతనాలు ఇవ్వటం లేదని ఆరోపించారు. చాలీచాలని జీతాలతో జీవితాలను ఎంతో ఇబ్బందికరంగా వెల్లదీస్తున్న దుస్థితి వీఆర్ఏలకు దాపురించిందని ఆవేదన వ్యక్తం చేశారు. ఉపాధి హామీ కూలీల కంటే ధీనమైన పరిస్థితిలో వీఆర్ఏల దుస్థితి ఉందని వివరించారు.
రాష్ట్రంలో 23 వేల మంది వీఆర్‌ఏలు ఉంటే అందులో 90 శాతం బీసీలు, దళిత వర్గాల బిడ్డలే ఉన్నారని పేర్కొన్నారు. 2020లో వీఆర్వోల వ్యవస్థను రద్దు చేయడంతో వీఆర్ఏలపై పని భారం పెరిగిందని రేవంత్ రెడ్డి పేర్కొన్నారు. వీఆర్ఏలకు పే స్కేలు అమలు చేస్తామని 2020 సెప్టెంబర్‌ 9న అసెంబ్లీ సాక్షిగా సీఎం హామీ ఇచ్చినా.. ఇప్పటి వరకు అమలకు నోచుకోలేదని ఆరోపించారు. ముఖ్యమంత్రి కేసీఆర్ ఇచ్చిన హామీలకు దిక్కు లేకుండా పోయిందని.. వీఆర్ఏల సమస్యల పరిష్కారం కోసం స్టాంపులు రిజిస్ట్రేషన్ల శాఖ కమిషనర్‌ శేషాద్రి అధ్యక్షతన ఏర్పాటైన కమిటీ ఒక్కసారి కూడా సమావేశం కాలేదని ఆరోపించారు.
వీఆర్ఏలకు ఇచ్చిన హామీలను తక్షణమే అమలు చేయాలని రేవంత్రెడ్డి డిమాండ్ చేశారు. వీఆర్ఏల పోరాటానికి కాంగ్రెస్‌ పూర్తి మద్దతు ఇవ్వడంతో పాటు ప్రత్యక్ష పోరాటానికి సైతం సిద్ధమవుతోందని రేవంత్ రెడ్డి హెచ్చరించారు. అర్హులైన వారికి పదోన్నతలు కల్పించాలని, సొంత గ్రామాల్లో వాళ్లకు రెండు పడక గదుల ఇళ్లు కట్టించి ఇవ్వాలని డిమాండ్ చేశారు. విధినిర్వహణలో చనిపోయిన వీఆర్ఏల కుటుంబాలకు పరిహారం ఇవ్వాలని రేవంత్ విజ్ఞప్తి చేశారు.
ఇదీ చూడండి:
