Sridhar Babu: ఉమ్మడి కరీంనగర్ జిల్లాకు కాంగ్రెస్ పార్టీ నుంచి కీలక పదవి లభించింది. ఏఐసీసీ ప్రధాన కార్యదర్శిగా.. కర్ణాటక రాష్ట్ర ఇన్ఛార్జిగా మంథని ఎమ్మెల్యే శ్రీధర్‌బాబును పార్టీ హైకమాండ్ నియమించింది. పార్టీ అధ్యక్షురాలు సోనియాగాంధీ ఆదేశాల మేరకు ప్రధాన కార్యదర్శి కేసీ వేణుగోపాల్ ఈ మేరకు ఉత్తర్వులు జారీ చేశారు.
వచ్చే ఎన్నికలను దృష్టిలో పెట్టుకుని కాంగ్రెస్ అధిష్ఠానం ఈ నియమాకం చేసింది. శ్రీధర్ బాబును అభినందిస్తూ.. పీసీసీ అధ్యక్షులు రేవంత్‌ రెడ్డి, ఏఐసీసీ రాష్ట్ర ఇన్ఛార్జి మానిక్కం ఠాగూర్, ఏఐసీసీ ఇన్ఛార్జి కార్యదర్శి బోసురాజు, పీసీసీ కార్యనిర్వాహక అధ్యక్షురాలు గీతారెడ్డి, కోశాధికారి సుదర్శన్రెడ్డి, తదితర కాంగ్రెస్ నేతలు సన్మానించారు.
ఇవీ చదవండి:
