లైఫ్ సైన్సెస్ రంగంలో దేశ ఫార్మా కాపిటల్గా హైదరాబాద్ ఎదుగుతోందని పరిశ్రమలు, ఐటీ శాఖ మంత్రి కేటీఆర్ అన్నారు. హైదరాబాద్ హెచ్ఐసీసీలో 17వ ఎడిషన్ బయో ఆసియా సదస్సును ప్రారంభించారు. దేశంలో సింహ భాగం మందులు, వ్యాక్సిన్లు హైదరాబాద్ నుంచే ఉత్పత్తి జరగటం రాష్ట్రానికి గర్వకారణమన్నారు.
హైదరాబాద్ గ్రోత్ హిస్టరీలో ఫార్మా రంగం కీలకమని కేటీఆర్ పేర్కొన్నారు. ఇప్పటికే మెడికల్ డివైస్ పార్క్లో 20 ఫార్మా కంపెనీలు పని ప్రారంభించాయని తెలిపారు. త్వరలో హైదరాబాద్ ఫార్మా సిటీ, బీ.హబ్ (బయోటెక్)ను ప్రారంభించుకుంటామని కేటీఆర్ ప్రకటించారు. ట్రిపుల్ ఐ నినాదంతో(ఇన్నోవేషన్‌, ఇన్‌ఫ్రాస్ట్రక్చర్‌, ఇన్‌క్లూజివ్‌ గ్రోత్) నినాదంతో ముందుకెళ్తున్నామని మంత్రి కేటీఆర్ వెల్లడించారు.
ఈ కార్యక్రమంలో 37 దేశాలకు చెందిన 2 వేల మంది ప్రతినిధులు, పలు ఫార్మా కంపెనీల సీఈవో లు, లైఫ్ సైన్సెస్ రంగ ప్రముఖులు పాల్గొన్నారు.
ఇవీచూడండి: గేమింగ్ అడ్డాగా హైదరాబాద్: జయేష్ రంజన్
