డిజిటల్ ఆధారిత ధ్రువపత్రాల వ్యవస్థ- డిజిలాకర్ విధానాన్ని తెలంగాణలో అమలు చేయనున్నారు. ఇందుకు సంబంధించి ఐటీ, ఎలక్ట్రానిక్స్, కమ్యూనికేషన్ల శాఖ ఉత్తర్వులు జారీ చేసింది. డిజిటల్ విధానంలో ధ్రువీకరించిన ధ్రువపత్రాలను పౌరులు పొందేలా డాక్యుమెంట్ వ్యాలెట్ సౌకర్యాన్ని కల్పిస్తూ కేంద్ర ప్రభుత్వం 2015లో డిజిలాకర్ విధానాన్ని అమలులోకి తీసుకొచ్చింది. అందుకు అనుగుణంగా ప్రభుత్వ శాఖలు, ప్రభుత్వ రంగ సంస్థలు, స్వయం ప్రతిపత్తి కలిగిన వ్యవస్థలు, సంస్థలు, యూనివర్సిటీల్లోనూ ఈ విధానాన్ని అమలు చేయనున్నారు.
డిజిలాకర్ విధానాన్ని అమలు చేసుకునేందుకు ఆయా సంస్థలు డిజిటల్ లాకర్ విధానంలో నమోదు చేసుకోవాల్సి ఉంటుంది. పౌరులకు ఇప్పటికే జారీ చేసిన, చేయబోయే ధ్రువపత్రాలను డిజిటల్ విధానంలో అందుబాటులో ఉంటే సాఫ్ట్వేర్ సిద్ధం చేసుకుని అనుసంధానించాలి. ఇందుకోసం ఆయా శాఖలు, సంస్థలకు ఐటీశాఖ, రాష్ట్ర ఈ-గవర్నెన్స్ మిషన్ బృందం అవసరమైన సహాయ సహకారాలు అందించనున్నాయి.
ఇదీ చదవండి: రైతన్న ఆక్రోశం.. దోమ సోకిన పంటకు నిప్పు
