కాళేశ్వరం ఎత్తిపోతల పథకం కాదు.. ఎత్తిదించే ప్రాజెక్టు

కాళేశ్వరం ప్రాజెక్టు ఎత్తిపోతల పథకం కాదని... ఎత్తిదించే పథకం అంటూ కేంద్ర మాజీ మంత్రి బండారు దత్తాత్రేయ ఎద్దేవా చేశారు. ముఖ్యమంత్రి కేసీఆర్​ ఒంటెద్దు పోకడతో చేపట్టిన నీటి ప్రాజెక్టుల వల్ల రాష్ట్రానికి తీవ్ర నష్టం వాటిల్లే ప్రమాదం ఉందని హెచ్చరించారు.

తెలంగాణ ప్రభుత్వం ప్రతిష్ఠాత్మకంగా చేపట్టిన కాళేశ్వరం ప్రాజెక్టు సరైన సాంకేతికత, ముందు చూపు లేకుండా నిర్మించారని కేంద్ర మాజీ మంత్రి బండారు దత్తాత్రేయ అన్నారు. మానేరుకు వరద వస్తే అన్నారం బ్యారేజీ నుంచి 3 టీఎంసీల నీటిని వృథాగా వదిలేయడం చూస్తే కాళేశ్వరం ప్రాజెక్టు ఎత్తిపోతల పథకం కాదు... ఎత్తిదించే పథకం అనిపిస్తోందని ఎద్దేవా చేశారు. ముఖ్యమంత్రి కేసీఆర్ .. మంత్రులు, ఇంజినీర్లు చెప్పిన మాట వినకపోవడం వల్లే ఈ నష్టం వచ్చిందని, ప్రాజెక్టు పేరిట 80 వేల కోట్ల రూపాయల నిధులు వృథా చేశారని విమర్శించారు.

• ఇదీ చూడండి : దుబాయ్​లో జాక్​పాట్​ కొట్టిన తెలుగోడు..​!