Whatsapp pay cashback offer: సామాజిక మాధ్యమ దిగ్గజం వాట్సాప్ వినియోగదారులకు బంపర్ ఆఫర్ ప్రకటించింది. వాట్సాప్ పేమెంట్స్ను ఉపయోగించుకునేలా కొత్త కస్టమర్లను ఆకర్షించేందుకు క్యాష్బ్యాక్ అందించేందుకు సిద్ధమైంది. అలాగే.. వాట్సాప్ ద్వారా వ్యాపార చెల్లింపులను తీసుకురావడంపై కసరత్తు చేస్తున్నట్లు తెలిపింది. దీని ద్వారా ప్రస్తుతం భారత్లో యూపీఐ లావాదేవీల్లో దూసుకెళ్తున్న గూగుల్ పే, ఫోన్పే వంటి వాటికి పోటీ ఇచ్చేందుకు వీలు కలగనుంది.
ఇటీవలే వాట్సాప్ పేమెంట్ సర్వీస్ లిమిట్ను 100 మిలియన్ యూజర్లకు పెంచుతూ నిర్ణయం తీసుకుంది నేషనల్ పేమెంట్స్ కార్పొరేషన్ ఆఫ్ ఇండియా(ఎన్పీసీఐ). ఇప్పటికే భారత్లో 400 మిలియన్లకుపైగా వినియోగదారులు ఉన్న వాట్సాప్కు అది పెద్ద సానుకూల అంశం.
క్యాష్బ్యాక్ ఆఫర్ ఇలా: వాట్సాప్ ద్వారా చెల్లింపులు చేసే వారికి ఇప్పటికే రూ.33 వరకు క్యాష్బ్యాక్ ఆఫర్ చేస్తున్నట్లు రాయిటర్స్ ఓ కథనంలో పేర్కొంది. వాట్సాప్ పే ద్వారా తమ చాట్ విండో నుంచే నేరుగా కాంటాక్ట్స్లో ఉన్న వారికి నగదు పంపించవచ్చు. వాట్సాప్లో క్యాష్బ్యాక్ పొందాలంటే నగదు చెల్లింపులపై ఎలాంటి కనీస పరిమితులు లేవు. ఒక రూపాయి సైతం పంపించొచ్చు. వారు కూడా క్యాష్బ్యాక్కు అర్హులే. అయితే.. ఈ ఆఫర్ మూడు లావాదేవీలకు మాత్రమే వర్తిస్తుంది. ఇంత తక్కువ నగదును పంపించే వీలు ఉండటం వల్ల వాట్సాప్ పేకు వినియోగదారులు మారేందుకు అవకాశం లభిస్తోందని సంస్థ పేర్కొంది. అలాగే.. వాట్సాప్లో చెల్లింపుల సామర్థ్యాన్ని పెంచేందుకు దశలవారీగా ఈ క్యాష్బ్యాక్ క్యాంపెయిన్ నిర్వహిస్తున్నట్లు తెలిపింది.
ఇదీ చూడండి: సరికొత్త ఫీచర్లతో వాట్సాప్.. ఒకేసారి 32 మందితో
