mAadhaar App Benefits : ప్రస్తుతం దేశంలో ఎలాంటి సంక్షేమ పథకాలు పొందాలన్నా, బ్యాంక్ అకౌంట్, ఓటర్ ఐడీ, సిమ్ కార్డు.. ఇలా ఏది తీసుకోవాలనుకున్నా.. ప్రతి పనికీ ఆధార్ కార్డు తప్పనిసరిగా మారింది. ఇంతటి విలువైన ఆధార్(Aadhaar) దుర్వినియోగం కాకుండా ఉండేందుకు విశిష్ట గుర్తింపు ప్రాధికార సంస్థ(UIDAI).. mAadhaar అనే మొబైల్ యాప్ను తీసుకొచ్చింది. అయితే.. చాలా మందికి ఈ యాప్ గురించి తెలియదు. మనకు ఒక్కోసారి ఆధార్ నంబర్ వివరాలు అత్యవసరం అవుతాయి. ఆ టైమ్లో ఇది చాలా యూజ్ అవుతుంది. ఇదొక్కటే కాదు ఈ యాప్తో ఇంకా ఎన్నో ప్రయోజనాలు ఉన్నాయి. ఇంతకీ mAadhaar యాప్లో ప్రొఫైల్ ఎలా క్రియేట్ చేసుకోవాలి? ఎలా యూజ్ చేయాలి? వంటి వివరాలను ఈ స్టోరీలో తెలుసుకుందాం.
UIDAI ప్రకారం.. రిజిస్టర్డ్ మొబైల్ నంబర్కు తమ ఆధార్‌ను లింక్ చేసిన వ్యక్తులు మాత్రమే దీనిని యూజ్ చేయడానికి అవకాశం ఉంటుంది. ఎందుకంటే ఈ యాప్ ఇన్స్టాల్ చేసుకున్న తర్వాత.. అందులో మీ ప్రొఫైల్ క్రియేట్ చేసుకోవడానికి అవసరమయ్యే ఓటీపీ రిజిస్టర్డ్ మొబైల్ నంబర్కు వస్తుంది. ఆండ్రాయిడ్, iOS ఫోన్‍‌లలోనూ ఈ యాప్ను పొందవచ్చు.
mAadhaar యాప్లో ప్రొఫైల్ను క్రియేట్ చేసుకోండిలా..
- ముందుగా మీరు ఫోన్లో mAadhaar యాప్ డౌన్లోడ్ చేసుకోవాలి.
- ఆ తర్వాత దానిని ఓపెన్ చేసి ఎగువన 'రిజిస్టర్ ఆధార్' అనే ఆప్షన్ కనిపిస్తుంది. దానిపై క్లిక్ చేయాలి.
- ఇప్పుడు మీ ప్రొఫైల్ను యాక్సెస్ చేయడానికి 4 అంకెల పాస్వర్డ్ను క్రియెట్ చేసుకోవాలి.
- ఆ తర్వాత మీ ఆధార్ నంబర్, క్యాప్చా కోడ్‌ను ఎంటర్ చేయాలి. ఇప్పుడు మీరు మీ రిజిస్టర్డ్ మొబైల్ నంబర్కు ఓటీపీని అందుకుంటారు.
- OTP అక్కడ నమోదు చేసి Submit బటన్పై క్లిక్ చేయాలి.
- ఆ ప్రక్రియ విజయవంతం అవుతుంది. మీ ప్రొఫైల్ రిజిస్టర్ అవుతుంది.
- చివరగా.. దిగువ మెనూలో 'My Aadhaar' అనే ఆప్షన్ కనిపిస్తుంది. అప్పుడు మీ పాస్వర్డ్ ఎంటర్ చేసి నావిగేట్ అవ్వాలి.
- అంతే.. మీ ఆధార్ నంబర్ యాప్తో లింక్ అవుతుంది. తర్వాత ఫోన్లోకి మీ ఆధార్ కార్డు వచ్చేస్తుంది.
ఫింగర్ ప్రింట్స్ లేకున్నా ఐరిస్తో ఆధార్ జారీ- కేంద్రం కీలక నిర్ణయం
mAadhaar యాప్ ప్రయోజనాలు :
- ఇలా మొబైల్లో mAadhaar యాప్లో మీ ప్రొఫైల్ క్రియేట్ చేసుకున్నారంటే.. ఈ యాప్ ద్వారా బోలెడు ప్రయోజనాలు ఉన్నాయి.
- ఆధార్ వివరాలు, చిరునామా, QR కోడ్ వంటి సమాచారాన్ని త్వరగా సులభంగా యాక్సెస్ చేయడానికి ఈ యాప్ వీలు కల్పిస్తుంది.
- మీరు మీ ఆధార్ వివరాలను ఆఫ్‌లైన్ మోడ్‌లో కూడా చూడవచ్చు.
- ఈ యాప్ మీ ఫోన్లో ఉంటే ఫిజికల్ ఆధార్ కార్డు వెంట తీసుకెళ్లాల్సిన అవసరం లేదు.
- ఒక స్మార్ట్‌ఫోన్‌లో గరిష్టంగా ఐదుగురు కుటుంబ సభ్యుల ఆధార్ సమాచారాన్ని నిల్వ చేయవచ్చు.
- గుర్తింపు ధ్రువీకరణ సామర్థ్యాన్ని మెరుగుపరచడానికి మీరు eKYC (నో యువర్ కస్టమర్) లేదా QR కోడ్‌లను సర్వీస్ ప్రొవైడర్లకు షేర్ చేయవచ్చు.
- అదనపు రక్షణ కోసం బయోమెట్రిక్ అందుబాటులో ఉంటుంది.
- అలాగే మీ ఆధార్ వివరాలను బయోమెట్రిక్ డేటా ద్వారా కూడా లాక్ చేయవచ్చు. అదేవిధంగా అన్ లాక్ చేయవచ్చు.
- ఇవే కాదు ఈ యాప్ ద్వారా ఆన్లైన్లో మీ ఆధార్ అప్డేట్ చేసుకోవచ్చు. అలాగే అప్డేట్ హిస్టరీ చెక్ చేసుకోవచ్చు. స్టేటస్ చూసుకోవచ్చు.
మీ పిల్లలకు ఆధార్ కార్డు ఉంది సరే - మరి "అపార్" కార్డు ఉందా?
ఆన్లైన్ ఫ్రాడ్స్ నుంచి రక్షణ పొందాలా?.. ఆధార్ బయోమెట్రిక్ డేటాను లాక్ చేసుకోండిలా!
