కంపెనీలకు సంబంధించి బడ్జెట్ 2021లో భారీ సంస్కరణలు ప్రకటించారు ఆర్థిక మంత్రి నిర్మలా సీతారామన్. గతంలో రూ.50 లక్షల మూలధనమున్న కంపెనీలను చిన్న కంపెనీలుగా నిర్వచిస్తుండగా.. ఆ పరిమితిని రూ.2 కోట్లకు పెంచుతున్నట్లు తెలిపారు.
జాతీయ కంపెనీ లా ట్రైబ్యునల్ ఫ్రేమ్వర్క్ మరింత పటిష్టం చేయనున్నట్లు ఆర్థిక మంత్రి వివరించారు.
నియంత్రణ పరమైన నిబంధనలకు అనుగుణంగా ప్రభుత్వ రంగ బ్యాంకుల్లోకి 2021-22లో రూ.20 వేల కోట్లు చొప్పించనున్నట్లు తెలిపారు ఆర్థికమంత్రి నిర్మలా సీతారామన్. ప్రస్తుత ఆర్థిక సంవత్సరానికి కూడా రూ.20 వేల కోట్లను మూలధన సహాయాన్ని ప్రకటించింది కేంద్రం. బ్యాంకుల ఆర్థిక స్థితిని మరింత పటిష్టం చేసేందుకు కూడా ఈ మొత్తం ఉపయోగపడుతుందని వివరించారు.
ఫినాన్షియల్ ప్రొడక్ట్స్ కోసం ఇన్వెస్టర్ ఛార్టర్ ఏర్పాటు చేయాలని ఆర్థిక మంత్రి ప్రతిపాదించారు.
ఇదీ చూడండి:బడ్జెట్ ప్రత్యేక యాప్ ఫీచర్లు ఇవే..
