Skoda suv kodiaq: ఎస్యూవీ కోడియాక్ కొత్త వెర్షన్ను మార్కెట్లోకి విడుదల చేసింది దిగ్గజ లగ్జరీ కార్ల తయారీ సంస్థ స్కోడా. మొత్తం మూడు వేరియంట్లలో దీన్ని అందుబాటులోకి తీసుకొచ్చింది. ఎక్స్ షోరూం ప్రారంభ ధరను రూ.34.99లక్షలుగా నిర్ణయించింది.
7 సీటింగ్ సామర్థ్యంతో ఉన్న ఈ ఎస్యూవీ శ్రేణిలోని కొత్త వెర్షన్లో మరిన్ని లగ్జరీ ఫీచర్లను జత చేసినట్లు స్కోడా ఆటో ఇండియా బ్రాండ్ డైరెక్టర్ జాక్ హాలిస్ ప్రకటనలో తెలిపారు. ఇది 7.8 సెకన్లలోనే 100కి.మీ వేగాన్ని అందుకోగలదని చెప్పారు.
స్పోర్ట్లైన్, లారిన్, క్లెమెంట్ అనే మూడు వేరియంట్లలో స్కోడా ఎస్యూవీ కోడియాక్ లభిస్తోంది. వీటి ధరలు వరుసగా రూ.34.99 లక్షలు, రూ. 35.99 లక్షలు, రూ.37.49 లక్షలుగా ఉన్నాయి.
భద్రత విషయంలో ఈ మోడల్ మరింత పకడ్బంధీగా ఉంది. 9 ఎయిర్ బ్యాగులు, అడాప్టివ్ ఫ్రంట్ హెడ్లైట్స్, డీఫాగింగ్, ఎలక్ట్రానిక్, మెకానిక్, హైబ్రిడ్ బ్రేక్, స్టెబిలిటీ కంట్రోల్ వంటి అత్యాధునిక ఫీచర్లున్నాయి. దీంతోపాటు 360డిగ్రీల స్టాండర్డ్ కెమెరా కూడా ఉంది.
ఇదీ చదవండి: Cafe coffee day: రూ.వేల కోట్ల అప్పులకు వారసురాలైంది
