దేశీయ స్టాక్ మార్కెట్ సూచీలు ఇవాళ అమ్మకాల ఒత్తిడిని ఎదుర్కొన్నాయి. లాభాలతో ప్రారంభమైనా.. చివరకు స్వల్ప నష్టాలతో సెషన్ను ముగించాయి.
బొంబాయి స్టాక్ ఎక్స్చేంజి సూచీ సెన్సెక్స్ 50 పాయింట్లు కోల్పోయింది. చివరకు 52 వేల 104 వద్ద స్థిరపడింది. ఒక దశలో ఈ సూచీ 52 వేల 517 వద్ద జీవిత కాల గరిష్ఠాన్ని తాకింది. మళ్లీ 250 పాయింట్లకుపైగా నష్టపోయి 51 వేల 900 దిగువకు చేరింది.
జాతీయ స్టాక్ ఎక్స్చేంజి సూచీ నిఫ్టీ ఫ్లాట్గా ముగిసింది. ఒడుదొడుకుల ట్రేడింగ్ నడుమ చివరకు 15 వేల 313 వద్ద ముగిసింది.
బ్యాంకింగ్, విద్యుత్తు, ఇన్ఫ్రా రంగాల షేర్లలో అమ్మకాలు కనిపించాయి. ఐటీ, ఎఫ్ఎంసీజీ రంగాలు తీవ్ర ఒడుదొడుకుల నడుమ ట్రేడింగ్ను సాగించాయి.
లాభనష్టాల్లోనివి ఇవే..
లోహరంగంలోని షేర్లు దూసుకెళ్లాయి. పవర్ గ్రిడ్ 6 శాతం, ఓఎన్జీసీ 5 శాతానికిపైగా లాభపడ్డాయి. టాటా స్టీల్, హిందాల్కో, ఎన్టీపీసీ కూడా లాభాల్లోనే ముగిశాయి.
యాక్సిస్ బ్యాంక్, ఐసీఐసీఐ బ్యాంక్, ఇన్ఫోసిస్, నెస్లే, ఐచర్ మోటార్స్ డీలాపడ్డాయి.
ఇదీ చూడండి: పెట్టుబడికి బంగారు బాట 'పసిడి బాండ్లు'
