కరోనా కొత్త వేరియంట్ వార్తలు ఈ వారం దేశీయ స్టాక్ మార్కెట్లను(Stock Market Outlook) ముందుకు నడిపించనున్నాయని విశ్లేషకులు చెబుతున్నారు. ఆర్థిక గణాంకాలు, వాహన అమ్మకాలపై కూడా మదుపరులు దృష్టిసారించే అవకాశముందని తెలిపారు.
"కొవిడ్ కొత్త వేరియంట్(omicron variant news), విదేశీ సంస్థగత మదుపరుల ప్రవర్తనతో పాటు ఆర్థిక గణాంకాలు ఈ వారం మార్కెట్లకు దిశానిర్దేశం చేయనున్నాయి. కరోనా సంబంధిత పరిణామాలు మార్కెట్కు కీలకం కానున్నాయి. కొత్త వేరియంట్పై పలు టీకాల సమర్థత మార్కెట్లను ముందుకు నడిపించనున్నాయి. వైరస్ వ్యాప్తి నేపథ్యంలో ప్రపంచవ్యాప్తంగా విధించే ఆంక్షలకు సంబంధించిన వార్తలు సూచీలను అస్థిర పరుస్తాయి."
- సంతోష్ మీనా, స్వస్తికా ఇన్వెస్ట్మెంట్ లిమిటెడ్
ఆర్థిక గణాంకాలు, ద్రవ్యోల్బణం సహా నవంబరు నెలలో వాహన అమ్మకాలు మార్కెట్లను ప్రభావితం చేస్తాయని సామ్కో సెక్యూరిటీస్ హెడ్ యేషా షా పేర్కొన్నారు. తయారీ, సేవా రంగాల పర్చేజింగ్ మేనేజర్స్ సూచీ(పీఎంఐ) సైతం మార్కెట్లపై(stock market outlook this week) ప్రభావం చూపవచ్చు.
భారతీయ రిజర్వు బ్యాంకు విధానాలు, ద్రవ్యోల్బణ డేటా మార్కెట్కు కీలకం కానున్నాయని కొటక్ సెక్యూరిటీస్ హెడ్(రిటైల్) శ్రీకాంత్ చౌహాన్ తెలిపారు.
ఒక్కవారంలోనే సెన్సెక్స్ 4.42 శాతం డౌన్
గడిచిన వారం స్టాక్ మార్కెట్లను(Stock market news update) కరోనా భయాలు కుదిపేశాయి. బీఎస్ఈ-సెన్సెక్స్(bse sensex) 4.24 శాతం నష్టంతో 2,528.86 పాయింట్లు క్షీణించింది. శుక్రవారం ఒక్కరోజే సెన్సెక్స్ 1,688 పాయింట్లు, నిఫ్టీ దాదాపు 510 పాయింట్ల మేర నష్టపోయాయి.
దేశంలో కరోనా కేసులు తక్కువగా ఉన్నప్పటికీ.. అంతర్జాతీయ కొవిడ్ కేసుల్లో పెరుగుదలతో పాటు దక్షిణాఫ్రికాలో కరోనా కొత్త వేరియంట్(omicron variant news) బయటపడటం మదుపర్ల సెంటిమెంట్ను తీవ్రంగా దెబ్బతీసింది. ఈ కొత్త వేరియంట్(బి.1.1.529 వేరియంట్).. అత్యంత ప్రమాదకరమని వార్తలు వినిపిస్తున్నాయి. ఈ రకం వైరస్పై టీకా ప్రభావం కూడా తక్కువేనని తెలుస్తోంది. ఇదే వేరియంట్ను బోట్సవానా, బెల్జియం, హాంకాంగ్, ఇజ్రాయెల్ దేశాల్లోనూ గుర్తించారు. దీంతో అంతర్జాతీయంగా మార్కెట్లు కుప్పకూలాయి. ఇటీవల నమోదైన లాభాలను మదుపరులు సొమ్ము చేసుకోవడం సూచీలు కుదేలయ్యాయి.
ఇవీ చూడండి:
