సూర్యాపేట జిల్లా నాగారం మండలం ఫణిగిరి శివారులో ఘోర రోడ్డు ప్రమాదం సంభవించింది. ఈ ప్రమాదంలో ఇద్దరు యువకులు మృతి చెందారు. నాగారం మండలం నర్సింహులగూడెంలో ఓ వివాహ వేడుకకు హాజరవడానికి తిరుమలగిరి మండలం తొండ గ్రామానికి చెందిన నర్రసందీప్ (22), జెర్రిపోతుల హరీశ్ (23) ద్విచక్రవాహనంపై వెళ్తున్నారు.
ఈ క్రమంలో సూర్యాపేట నుంచి జనగామ వైపు వెళ్తున్న కారు వీరిని ఢీ కొట్టింది. ఈ ప్రమాదంలో నర్ర సందీప్ అక్కడికక్కడే మృతి చెందాడు. హరీశ్కు తీవ్ర గాయాలు కాగా... పోలీసులు ఘటనా స్థలానికి చేరుకొని క్షతగాత్రున్ని సూర్యాపేటకు తరలిస్తుండగా మార్గమధ్యలో మరణించాడు. పోలీసులు కేసు నమోదు చేసుకొని దర్యాప్తు చేస్తున్నట్లు తెలిపారు.
