ఓ యాప్లో ఆన్‌లైన్ సెక్స్‌చాట్ ద్వారా బాగా డబ్బు సంపాదించేది ఓ మహిళ. ఈ క్రమంలో ఓ యువకుడితో సాన్నిహిత్యం పెంచుకుంది. అతడి కోరిక మేరకు అర్ధ నగ్నంగా వీడియో కాల్ చేసింది. యువకుడు స్కీన్ రికార్డింగ్ ఆన్లో ఉంచి.. మహిళ అర్ధనగ్న ఫొటోలను తీశాడు. ఈ ఘటన ఉత్తర్ప్రదేశ్లోని లఖ్నవూలో జరిగింది.
ఫైజాబాద్కు చెందిన ఓ వివాహిత యువకులతో ఓ యాప్లో సెక్స్ చాట్ చేసేది. అలా ఓ యువకుడితో మాట్లాడుతూ అతడికి దగ్గరైంది. ఓ రోజు వీడియోకాల్లో మహిళ అసభ్య ఫొటోలను తీశాడు. డబ్బులివ్వకపోతే ఈ ఫొటోలను భర్తకు పంపుతానని బ్లాక్మెయిల్ చేశాడు. అందుకు మహిళ అంగీకరించకపోవడం వల్ల ఆమె ఫొటోలను భర్తకు పంపాడు. ఇదే అదునుగా చేసుకున్న ఆమె భర్త.. మహిళను వ్యభిచార కూపంలోకి లాగేందుకు ప్రయత్నించాడు. తన స్నేహితులతో గడపాలని ఒత్తిడి చేయడం ప్రారంభించాడు. ఈ నేపథ్యంలో బాధితురాలు లఖ్నవూ ఫ్యామిలీ కోర్టులో విడాకులు కోసం దరఖాస్తు చేసుకుంది.
కాగా, ఇలాంటి తరహా కేసు తొలిసారి చూస్తున్నానని సీనియర్ ఫ్యామిలీ కోర్టు అడ్వొకేట్ సిద్ధాంత్ కుమార్ తెలిపారు. సెక్స్ చాట్ల ద్వారా మహిళ నెలకు రూ.80 వేల నుంచి రూ.10లక్షల వరకు సంపాదించేదని చెప్పారు. 'సోషల్ మీడియాలో తన వీడియోలు ట్రెండ్ అవుతున్నాయని.. అందుకే తనకు డబ్బులు వస్తున్నాయని భర్తకు చెప్పేది. వీడియోలకు వచ్చే లైక్ల ఆధారంగా తనకు ఓ యాప్ వాళ్లు డబ్బులు ఇస్తున్నారని బుకాయించింది' అని సిద్ధాంత్ కుమార్ వివరించారు.
'మహిళ బ్యాంక్ అకౌంట్లో ఉన్న డబ్బును కాజేయాలని ఆమె భర్త ప్రయత్నించాడు. భార్య బ్యాంకు ఖాతాలన్నింటినీ బ్లాక్ చేశాడు. డబ్బు సంపాదించాలనే ఆశతో ఆమెకు విడాకులు ఇచ్చేందుకు అతడు ఇష్టపడలేదు. దీంతో ఫ్యామిలీ కోర్టును ఆశ్రయించింది మహిళ. ఈ క్రమంలో మహిళకు కోర్టు కౌన్సెలింగ్ ఇచ్చింది. డబ్బుల విషయంలో ఆశపడి తాను పెద్ద తప్పు చేశానని మహిళ స్వయంగా అంగీకరించింది' అని ఫ్యామిలీ కోర్టు సీనియర్ న్యాయవాది సిద్ధాంత్ కుమార్ తెలిపారు.
