Woman killed Dogs pup Pune: మనుషులు రానురానూ మానవత్వాన్ని మరచిపోతున్నారు. మూగజీవాలపైనా కనికరం లేకుండా ప్రవర్తిస్తున్నారు. మహారాష్ట్ర పుణెలోని హడ్పసర్లో ఇలాంటి ఘటనే ఒకటి వెలుగులోకి వచ్చింది. ఓ మహిళ పట్టరాని కోపంతో.. రెండు కుక్క పిల్లలను వేటాడి చంపింది. ఆమె కర్ర పట్టుకొని రాత్రిళ్లు వీధుల్లో తిరిగిన దృశ్యాలు సీసీటీవీ కెమెరాల్లో రికార్డయ్యాయి. స్థానికంగా ఉండే ఓ మహిళ ఫిర్యాదు మేరకు.. నిందితురాలు అనితా దిలీప్ ఖాప్టేపై పోలీసులు కేసు నమోదు చేశారు.
అసలేమైందంటే? కొద్దిరోజుల కిందట.. నిందితురాలు అనిత చిన్న కుమార్తెను ఓ శునకం కరిచింది. దీంతో పగ పెంచుకున్న ఆమె వాటిని చంపేయాలని, ఏ కుక్కనూ వదలొద్దని నిర్ణయించుకుంది. ఈ క్రమంలోనే పెద్ద కర్ర పట్టుకొని వీధులంతా తిరుగుతూ రెండు చిన్న పిల్లల్ని చంపేసింది. దీనిపై ఓ మహిళ పోలీసులను ఆశ్రయించగా.. వారు నిందితురాలిపై కేసు నమోదు చేసి విచారిస్తున్నారు.
ఇవీ చూడండి: రెండు కాలేజీల విద్యార్థుల వీరంగం.. రాళ్లు రువ్వుకుంటూ..!
'నడిస్తే నేరం.. పాకుతూ వెళ్లండి'.. పంజాబీలపై ఆంగ్లేయుల పైశాచికం
