Woman Fake Gang Rape: ప్రియుడిని వివాహం చేసుకోవడానికి ఓ యువతి గ్యాంగ్రేప్ కట్టుకథ అల్లింది. పోలీసులను ముప్పు తిప్పలు పెట్టింది. ఈ ఘటన మహారాష్ట్ర నాగ్పుర్లో జరిగింది.
Nagpur Women Fake Gang Rape Story:
చిఖ్కాలీ ప్రాంతంలో తనను ఇద్దరు వ్యక్తులు అత్యాచారం చేశారని సోమవారం ఉదయం 11 గంటలకు సీతాబుల్దీ పోలీస్ స్టేషన్లో ఓ యువతి ఫిర్యాదు చేసింది. మ్యూజిక్ క్లాస్కు వెళ్లి తిరిగి వస్తుండగా రహదారి సమాచారం అడిగిన వ్యాన్ డ్రైవర్లు.. తనను నిర్బంధించి చిఖ్కాలీ సమీపంలోని నిర్మానుష్య ప్రదేశానికి తీసుకెళ్లి సామూహిక అత్యాచారానికి పాల్పడ్డారని ఫిర్యాదులో పేర్కొంది. సున్నితమైన విషయం కావడం వల్ల పోలీసులు అలర్ట్ అయ్యారు. వెంటనే 40 ప్రత్యేక బృందాలు రంగంలోకి దిగి దర్యాప్తు ప్రారంభించాయి. కమిషనర్ అమితేష్ కుమార్, అడిషనల్ సీపీ సునిల్ ఫులారీతో సహా ఇతర ఉన్నతాధికారులు కూడా ప్రత్యేకంగా శ్రద్ధ తీసుకున్నారు. సుమారు 1,000 మంది పోలీసులు నగరంలో సీసీటీవీ ఫుటేజీలను పరిశీలించారు. కేసులో 50 మందిని ప్రశ్నించారు. అయితే.. సీసీటీవీ ఫుటేజీ పరిశీలన తర్వాత పోలీసులకు అనుమానం వచ్చి యువతిని ప్రశ్నించారు. దీంతో బాయ్ఫ్రెండ్ని పెళ్లి చేసుకోవడానికే డ్రామా ఆడినట్లు యువతి ఒప్పుకుంది.
ఇదీ చదవండి: Girl burnt alive from lamp: దీపం వెలిగిస్తుండగా.. యువతి సజీవదహనం