Culvert Collapse In Rayagada Odisha : ఒడిశాలోని రాయగడలో నిర్మాణంలో ఉన్న ఓ కల్వర్టు కుప్పకూలి నలుగురు చిన్నారులు సహా ఐదుగురు మరణించారు. కల్యాణ్సింగ్పుర్ పోలీస్స్టేషన్ పరిధిలోని ఉపాసజ గ్రామంలో సోమవారం జరిగిందీ దుర్ఘటన. పోలీసులు, అగ్నిమాపక సిబ్బంది ఘటనాస్థలికి చేరుకుని సహాయక చర్యలు చేపట్టారు. శిథిలాల కింద చిక్కుకున్న వారి కోసం గాలిస్తున్నారు. కొందరు కల్వర్టు కింద స్నానం చేస్తుండగా ఈ ప్రమాదం జరిగినట్లు తెలుస్తోంది. మరికొందరు కల్వర్టు కింద ఉన్నట్లు సమాచారం. ఈ క్రమంలో మృతులు సంఖ్య మరింత పెరిగే అవకాశం ఉంది.
ట్రక్కును ఢీకొట్టిన కారు.. కానిస్టేబుల్ దుర్మరణం
Constable Died In Accident Rajasthan : రాజస్థాన్‌లోని జైపుర్లో జరిగిన ఘోర రోడ్డు ప్రమాదంలో మహిళా కానిస్టేబుల్లో మృతి చెందగా.. ఎస్సై గాయపడ్డారు. ఆదివారం రాత్రి జరిగిందీ దుర్ఘటన. మృతురాలిని బబితగా పోలీసులు గుర్తించారు.
అసలేం జరిగిందంటే..
బబిత అనే మహిళా కానిస్టేబుల్ కారులో ఎస్సై సజ్జన్ సింగ్తో కలిసి తన ఇంటికి ఆదివారం రాత్రి బయటదేరారు. ఈ క్రమంలో వీరు ప్రయాణిస్తున్న కారు.. ఓ ట్రక్కును ఢీకొట్టింది. ఈ ఘటనలో ఇద్దరు పోలీసులకు తీవ్ర గాయాలయ్యాయి. వెంటనే సమాచారం అందుకున్న పోలీసులు ఘటనాస్థలికి చేరుకున్నారు. ఇద్దరు క్షతగాత్రులను సమీపంలోని ఆస్పత్రికి తరలించారు. అప్పటికే మార్గమధ్యలోనే కానిస్టేబుల్ బబిత మృతి చెందారు. సజ్జన్ సింగ్ ప్రస్తుతం తీవ్ర గాయాలతో ఐసీయూలో చికిత్స పొందుతున్నారు.
బబిత మృతదేహాన్ని పోస్టుమార్టం అనంతరం కుటుంబసభ్యులకు అప్పగించినట్లు పోలీసులు తెలిపారు. ప్రమాదం సమయంలో కారును ఎస్సై సజ్జన్ సింగ్ నడిపారని చెప్పారు. ఈ ప్రమాదంపై కేసు నమోదు చేసుకున్నామని తెలిపారు.
కాలువలోకి దూసుకెళ్లిన కారు.. నలుగురు మృతి
Car Fell Into Canal In Karnataka : రెండు రోజుల క్రితం కర్ణాటకలోని మాండ్య జిల్లాలో కాలువలోకి కారు దూసుకెళ్లడం వల్ల ఓ బాలిక సహా నలుగురు మృతిచెందారు. ఈ ప్రమాదంపై సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. మృతదేహాలను వెలికి తీసి పోస్టుమార్టం నిమిత్తం ఆస్పత్రికి తరలించారు. ఈ పూర్తి వార్త కోసం ఇక్కడ క్లిక్ చెయ్యండి.
