Tripura married woman incident: భార్యకు వేరే వ్యక్తితో వివాహేతర సంబంధం ఉందన్న అనుమానంతో 15 మందితో కలిసి భార్యపై దాడి చేశాడు ఓ భర్త. ఈ దాడిలో తీవ్రంగా గాయపడిన భార్య స్పృహ కోల్పోయింది. ఆమె స్పృహలోకి రాగానే ప్రియుడిని వివాహం చేసుకోమని అక్కడున్న వారందరూ బలవంత పెట్టారు. కొంతమంది యువకులు మహిళ నుదిటిపై కుంకుమ బొట్టు పెట్టమని ప్రియుడిని ఇబ్బంది పెట్టారు. ఆమె ప్రియుడిని సైతం చితకబాదారు. ఈ ఘటన త్రిపురలోని కొవాయి జిల్లాలోని మధ్య కృష్ణాపుర్లో శనివారం జరిగింది. బాధితురాలు నడివయస్కురాలని తెలియమురా పోలీసులు తెలిపారు. ఈ ఘటనపై ఎటువంటి ఫిర్యాదు అందలేదని పేర్కొన్నారు.
తన భార్యకు అదే గ్రామానికి చెందిన వేరే వ్యక్తితో వివాహేతర సంబంధం ఉందని బాధితురాలి భర్త తెలిపాడు. గాయాలతో బాధపడుతున్న భార్యను తెలియమురా ఆసుపత్రికి తరలించి వైద్యం చేయించానని చెప్పాడు. ప్రస్తుతం ఈ వీడియో సామాజిక మాధ్యమాల్లో వైరల్గా మారింది. ప్రస్తుత నాగరిక సమాజంలో మహిళలపై ఇలాంటి దాడులు జరగడం దారుణమని త్రిపుర మహిళా కమిషన్ ఛైర్పర్సన్ బర్నాలి గోస్వామి ఆగ్రహం వ్యక్తం చేశారు.
రూ.100 కోసం సొంత అన్ననే: 100 రూపాయలు ఇవ్వలేదన్న కోపంతో సొంత అన్ననే చంపాడు ఓ కిరాతకుడు. ఈ ఘటన మధ్యప్రదేశ్లోని షాధోల్ జిల్లా బుదార్ గ్రామంలో ఆదివారం సాయంత్రం జరిగింది. నిందితుడిని పోలీసులు సోమవారం అరెస్టు చేశారు.
పోలీసుల తెలిపిన వివరాల ప్రకారం.. దీన్దయాళ్ పావ్(48), పృధ్వీదయాళ్ పావ్(50) అన్నదమ్ములు. ఇద్దరూ పక్క పక్క ఇళ్లలోనే నివసిస్తున్నారు. ఆదివారం సాయంత్రం దీన్దయాళ్ పావ్ తన అన్న పృధ్వీదయాళ్ పావ్ను రూ.100 అడిగాడు. పృధ్వీదయాళ్ తన తమ్ముడికి డబ్బులను ఇవ్వలేదు. దీంతో ఆగ్రహించిన దీన్దయాళ్ తన అన్న కొట్టగా.. అతను అక్కడికక్కడే మరణించాడు.
ఇదీ చదవండి: గ్యాస్ లీకై కార్మికుడు విలవిల.. రక్షిద్దామని వెళ్లిన నలుగురు కూడా..
