తొమ్మిదేళ్ల క్రితం ప్రేమ బంధంతో ముడిపడ్డారు. భార్యతో సన్నిహితంగా ఉండాల్సిన భర్త తరచూ ఆమెను అనుమానంతో వేధిస్తుండేవాడు. అన్నిటికి సహిస్తూ వస్తున్నా అతనికి అనుమానం తగ్గలేదు. ఆఖరికి ఆమెను వదిలించుకునేందుకు ట్రిపుల్ తలాక్ చెప్పాడు. ఆమెను ఇంటినుంచి బయటకు గెంటేశాడు. ఇప్పుడు ఆమె మరో వ్యక్తిని వివాహం చేసుకుంది. అతను మరెవరో కాదు ఆమె మొదటి భర్త స్నేహితుడే. గత నాలుగేళ్లుగా ఇద్దరి మధ్య ప్రేమాయణం సాగుతోంది. శుక్రవారం హిందూ ఆచారాల ప్రకారం పెళ్లి చేసుకుంది.
వివరాల్లోకి వెళ్తే.. ఉత్తరప్రదేశ్ రాంపుర్ జిల్లాకు చెందిన రుబీనా.. హల్ద్వానికి చెందిన షోయబ్ను తొమ్మిదేళ్ల క్రితం వివాహం చేసుకుంది. వీరిద్దరిది ప్రేమ వివాహం. వీరికి ముగ్గురు కొడుకులు ఉన్నారు. కుటుంబాన్ని పోషించడానికి షోయబ్ కారు డ్రైవర్గా పని చేస్తున్నాడు. ఈ క్రమంలో అతనికి ప్రేమ్పాల్ గంగ్వార్‌ పరిచయమయ్యాడు. ప్రేమ్పాల్ తరచూ ఇంటికి వస్తుండేవాడు. అలా రుబీనాకు దగ్గరయ్యాడు. షోయబ్కు రుబీనాపై అనుమానం రావడం వల్ల తరచూ ఆమెను వేధిస్తుండేవాడు.
ఎవరితో మాట్లాడుతున్నావ్ అని ఆరా తీస్తుండేవాడు. భార్యపై క్రమంగా అనుమానం పెంచుకున్నాడు. ఆ అనుమానం కాస్త పెనుభూతంగా మారడం వల్ల వారం రోజుల క్రితం రుబీనాకు ట్రిపుల్ తలాక్ చెప్పి ఇంటి నుంచి గెంటేశాడు. చేసేదేమి లేక రుబీనా తన ప్రియుడు ప్రేమ్పాల్ వద్దకు వెళ్లింది. వారిద్దరు కలిసి బరేలీకి చేరుకున్నారు. శుక్రవారం ప్రేమ్పాల్ గంగ్వార్‌ను రుబీనా వివాహం చేసుకుంది. అనంతరం 'పుష్ప'గా పేరు మార్చుకుంది.
ఇదీ చదవండి: 'విదేశాల్లో ఉద్యోగ ఆఫర్లు'.. గుడ్డిగా నమ్మితే అంతే సంగతి.. కేంద్రం హెచ్చరిక!
స్విమ్మింగ్ పూల్లో 'గర్బా' డ్యాన్స్.. సంప్రదాయ దుస్తులతో ఉత్సాహంగా..
