Tractor Accident Today : ఎదురెదురుగా వస్తున్న ట్రాక్టర్, ట్రక్కు ఢీకొని ఆరుగురు భక్తులు ప్రాణాలు కోల్పోయారు. మరో ఎనిమిది మంది తీవ్రంగా గాయపడ్డారు. ఉత్తర్ప్రదేశ్.. హాథ్రస్ జిల్లాలోని సదాబాద్ రోడ్లో.. శుక్రవారం రాత్రి ఈ ఘటన జరిగింది.
ట్రాక్టర్, ట్రాలీలో మొత్తం 45 మంది భక్తులు ఉన్నారని పోలీసులు తెలిపారు. వీరిలో మహిళలు, చిన్న పిల్లలు కూడా ఉన్నారనివె ల్లడించారు. వీరంతా ఎటా జిల్లాలోని జలేసర్ నుంచి మథురలోని గోవర్ధన్‌కు వెళుతున్నారని వివరించారు.
ఈ ఘటనలో మృతులను విక్రమ్ (45), మాధురి (22), హేమలత (12), లక్ష్మీ (18), అభిషేక్ (20), విష్ణు (20)గా పోలీసులు గుర్తించారు. క్షతగాత్రులను స్థానిక ఆసుపత్రిలో చికిత్స నిమిత్తం చేర్పించినట్లు వెల్లడించారు. ప్రమాదానికి ట్రక్కు డ్రైవర్ నిర్లక్ష్యమే కారణమని పోలీసులు తెలిపారు. ముగ్గురిని అదుపులోకి తీసుకున్నట్లు చెప్పారు.
కాాగా సదాబాద్‌లోని కమ్యూనిటీ హెల్త్ సెంటర్, హాథ్రాస్ జిల్లా ఆసుపత్రి, అలీఘడ్లోని జేఎన్ మెడికల్ కాలేజీ, ఆగ్రాలోని ఎస్ఎన్ మెడికల్ కాలేజీలో క్షతగాత్రులకు చికిత్స జరుగుతున్నట్లు పోలీసులు తెలిపారు. మృతదేహాలను స్వాధీనం చేసుకుని పోస్ట్మార్టం కోసం పంపించినట్లు వారు వెల్లడించారు. ఘటనపై ఉత్తర్ప్రదేశ్ ముఖ్యమంత్రి యోగి ఆదిత్యనాథ్ విచారం వ్యక్తం చేశారు. మృతుల కుటుంబాలకు ప్రగాఢ సానుభూతి ప్రకటించారు.
అమర్నాథ్ యాత్రికుల బస్సుకు ప్రమాదం.. ఆరుగురు మృతి.. మరో 25మంది..
Maharashtra Road Accident Today : వారం రోజుల క్రితం కూడా మహారాష్ట్రలోని బుల్డాణాలో ఘోర రోడ్డు ప్రమాదం జరిగింది. ఘటనలో ఆరుగురు ప్రయాణికులు మరణించారు. మరో 25 మంది గాయపడ్డారు. ముంబయి-నాగ్పుర్ హైవేపై వేకువజామున 3 గంటల సమయంలో ఈ ఘటన జరిగింది.
Two Buses Collide In Maharashtra : లక్ష్మీనగర్ సమీపంలోని ఫ్లై ఓవర్‌పై ప్రయాణికులతో వెళ్తున్న రెండు ప్రైవేట్ ట్రావెల్ బస్సులు పరస్పరం ఢీకొన్నాయి. ఈ ప్రమాదంలో రెండు బస్సులు నుజ్జునుజ్జయ్యాయి. సమాచారం అందుకున్న పోలీసులు.. ఘటనాస్థలికి చేరుకుని సహాయక చర్యలు చేపట్టారు. క్షతగాత్రులను ఆస్పత్రికి తరలించారు. అమర్నాథ్ నుంచి బస్సులో 35 నుంచి 40 మంది ఉన్నారు. నాసిక్ వైపు వెళ్తున్న బస్సులో 25 నుంచి 30 మంది ప్రయాణికులు ఉన్నట్లు తెలిసింది. పూర్తి కథనం కోసం ఇక్కడ క్లిక్ చేయండి
బ్రిడ్జ్పై పనులు చేస్తుండగా సడెన్గా వచ్చిన రైలు.. నదిలోకి దూకిన కార్మికుడు.. ఆ తర్వాత..
హరియాణాలో మళ్లీ 'ఆపరేషన్ బుల్డోజర్'.. అనేక షాప్లు కూల్చివేత.. దుకాణదారులు పరార్
