Rahul Gandhi Gets His Bungalow Delhi : లోక్సభ సభ్యత్వాన్ని పునరుద్ధరించిన నేపథ్యంలో కాంగ్రెస్ నేత రాహుల్ గాంధీకి.. దిల్లీ తుగ్లక్ లేన్లో ఉన్న 12వ నంబర్ బంగ్లాను తిరిగి కేటాయించారు. సభ్యత్వం కోల్పోయిన తర్వాత లోక్సభ సెక్రెటేరియట్ ఆదేశాలతో ఈ ఇంటిని రాహుల్ గాంధీ ఖాళీ చేశారు. తాజాగా ఎంపీగా తిరిగి నియమితులైన నేపథ్యంలో మళ్లీ ఇదే ఇంట్లో రాహుల్ అడుగుపెట్టనున్నారు. అయితే, భారతదేశం మొత్తం తన ఇల్లేనని ఈ సందర్భంగా రాహుల్ గాంధీ వ్యాఖ్యానించారు. తన అధికారిక నివాసాన్ని తిరిగి పొందడంపై సంతోషంగా ఉన్నారా అని విలేకరులు అడిగిన ప్రశ్నకు ఈ విధంగా సమాధానం చెప్పారు.
-
#WATCH | "Mera ghar poora Hindustan hai," says Congress MP Rahul Gandhi when asked for a reaction on media reports about getting back his official residence as an MP
— ANI (@ANI) August 8, 2023 " class="align-text-top noRightClick twitterSection" data="
He has arrived at the AICC Headquarters for a meeting with the leaders of Assam Congress. pic.twitter.com/KtIzZoRPmm
">#WATCH | "Mera ghar poora Hindustan hai," says Congress MP Rahul Gandhi when asked for a reaction on media reports about getting back his official residence as an MP
— ANI (@ANI) August 8, 2023
He has arrived at the AICC Headquarters for a meeting with the leaders of Assam Congress. pic.twitter.com/KtIzZoRPmm#WATCH | "Mera ghar poora Hindustan hai," says Congress MP Rahul Gandhi when asked for a reaction on media reports about getting back his official residence as an MP
— ANI (@ANI) August 8, 2023
He has arrived at the AICC Headquarters for a meeting with the leaders of Assam Congress. pic.twitter.com/KtIzZoRPmm
ఆలోపు రిప్లై ఇస్తేనే...
బంగ్లా కేటాయించినట్లు ఎస్టేట్ కార్యాలయం నుంచి అధికారిక సమాచారం అందిందని కాంగ్రెస్ వర్గాలు తెలిపాయి. 'ఇదివరకు రాహుల్ గాంధీ నివసించిన తుగ్లక్ లేన్లోని 12వ నంబర్ బంగ్లానే కేటాయించేందుకు ప్రతిపాదన చేశారు. దీనిపై రాహుల్ ఇంకా నిర్ణయం తీసుకోలేదు. ఎనిమిది రోజుల్లోగా దీనిపై స్పందన తెలియజేయాల్సి ఉంటుంది' అని కాంగ్రెస్ వర్గాలు వివరించాయి.
ఇప్పటివరకు నాలుగుసార్లు లోక్సభకు ఎన్నికైన రాహుల్ గాంధీ.. ఈ కాలంలో తనకు కేటాయించిన తుగ్లక్ లేన్లోని 12వ నంబర్ బంగ్లాలోనే ఉన్నారు. పార్లమెంట్ సభ్యత్వం కోల్పోయిన నేపథ్యంలో ఏప్రిల్ 22లోగా బంగ్లాను ఖాళీ చేయాలని ( Rahul Gandhi Asked to Vacate Bungalow ) గతంలో లోక్సభ అధికారులు రాహుల్కు నోటీసులు పంపించారు. ఈ బంగ్లాతో తనకు ఉన్న అనుబంధాన్ని, తీపి గుర్తులను మర్చిపోలేనని అప్పట్లో రాహుల్ గుర్తు చేసుకున్నారు. అధికారుల ఆదేశాల ప్రకారం ఏప్రిల్ 22న బంగ్లాను ఖాళీ చేశారు రాహుల్. ఆయన మాతృమూర్తి సోనియా గాంధీ ఉంటున్న దస్ జన్‌పథ్‌కు మకాం మార్చారు.
వయనాడ్ టూర్
రాహుల్ గాంధీ ఆగస్టు 12-13 తేదీల్లో వయనాడ్లో పర్యటించనున్నారు. పార్లమెంట్ సభ్యత్వాన్ని తిరిగి పొందిన తర్వాత తొలిసారి తన సొంత నియోజకవర్గానికి వెళ్లనున్నారు. రాహుల్ పర్యటన వివరాలను కాంగ్రెస్ పార్టీ ప్రధాన కార్యదర్శి కేసీ వేణుగోపాల్ వెల్లడించారు. 'ప్రజాస్వామ్యం గెలిచినందుకు, తమకు ప్రాతినిధ్యం వహించే గళం పార్లమెంట్లో అడుగుపెట్టినందుకు వయనాడ్ ప్రజలు సంతోషంగా ఉన్నారు. రాహుల్ ఎంపీ మాత్రమే కాదు వారి కుటుంబ సభ్యుడు కూడా' అని కేసీ వేణుగోపాల్ ట్వీట్ చేశారు.
మోదీ ఇంటి పేరుపై వివాదాస్పద వ్యాఖ్యలు చేసిన కేసులో రాహుల్ గాంధీని గుజరాత్లోని సూరత్ కోర్టు దోషిగా తేల్చి రెండేళ్లు శిక్ష విధించింది. ఈ నేపథ్యంలో రాహుల్ గాంధీ లోక్సభ సభ్యత్వం రద్దైంది. సూరత్ కోర్టు తీర్పుపై రాహుల్ గాంధీ అప్పీలుకు వెళ్లగా.. గుజరాత్ హైకోర్టులో చుక్కెదురైంది. ఆయన పిటిషన్ను జులై 7న న్యాయస్థానం కొట్టేసింది. అనంతరం జులై 15న రాహుల్ సుప్రీంకోర్టును ఆశ్రయించారు. రాహుల్ పిటిషన్ను పరిశీలించిన సుప్రీంకోర్టు.. ఆయన్ను దోషిగా తేల్చడంపై స్టే విధించింది. ఫలితంగా లోక్సభ సభ్యత్వం పునరుద్ధరణ అయింది.
'ప్రధాని మౌనవ్రతం ముగించేందుకే అవిశ్వాసం.. వీడియోలు రాకుంటే మోదీ నోరు విప్పేవారు కాదు'
'కూటమిలో ఎవరున్నారో తెలుసుకునేందుకే అవిశ్వాసం'.. ప్రతిపక్షాలపై మోదీ సెటైర్
