తమిళనాడు రాజధాని చెన్నైలో మసాజ్ సెంటర్ల ముసుగులో సెక్స్ రాకెట్ నడిపిస్తున్నారు. దీనిపై కచ్చితమైన సమాచారం అందిన పోలీసులు 151 మసాజ్, స్పా సెంటర్లపై రైడ్ చేశారు. ఈ వ్యభిచార దందాతో సంబంధమున్న పలువురిని అరెస్టు చేశారు.
చెన్నైలో మసాజ్ సెంటర్ల నిర్వహణకు చాలా మంది అధికారిక అనుమతులు తీసుకుంటున్నారు. అయితే కొంతమంది అక్రమంగా ఈ కేంద్రాల్లో వ్యభిచారం నడిపిస్తున్నారు. ఆదివారం రాత్రి తియాగారాయ నగర్లో 20 , కిల్పాక్లోని 6 మసాజ్ సెంటరల్లో డిప్యూటీ కమిషనర్ కార్తికేయన్ నేతృత్వంలో పోలీసులు రైడ్ చేశారు.
వ్యభిచార నియంత్రణ విభాగంలో పనిచేస్తున్న పోలీస్ ఇన్స్పెక్టర్లు శరవణన్, శామ్ విన్సెట్ ఇళ్లపై కొద్ది రోజుల క్రితమే అవినీతి నిరోధక పోలీసులు దాడులు చేశారు. వారికి సెక్స్ రాకెట్ ముఠాతో సంబంధాలున్నాయని ఛార్జ్ షీట్ దాఖలు చేశారు. ప్రస్తుతం దీనిపై విచారణ జరుగుతోంది.
ఇదీ చదవండి: భార్యకు ప్రేమతో.. అచ్చం తాజ్మహల్ లాంటి ఇల్లు కానుక
