omelette murder: బిహార్లోని సీతామఢీలో దారుణం జరిగింది. ఆమ్లెట్ వేయలేదని భార్యను కడతేర్చాడు ఓ భర్త. మద్యం మత్తులో ఈ దారుణానికి పాల్పడ్డాడు. అంతేగాకుండా ఆత్మహత్యగా చిత్రీకరించేందుకు పడక గదిలోని సీలింగ్ ఫ్యాన్కు ఆమె మృతదేహాన్ని వేలాడ తీశాడు.
ఇదీ జరిగింది..
బిహార్, సీతామఢీ జిల్లా.. సహియారా పోలీస్ స్టేషన్‌ పరిధిలోని బెలాహిజయ్ రామ్ గ్రామానికి చెందిన అజిత్ సింగ్ మద్యానికి బానిస అయ్యాడు. రోజు తాగి వచ్చి భార్యను హింసించే వాడు. గురువారం రోజు కూడా యథావిధిగా తాగి ఇంటికి వచ్చాడు అజిత్ సింగ్. వచ్చేటప్పుడు మంచింగ్ కోసం కొన్ని కోడి గుడ్లు తెచ్చాడు. ఆమ్లెట్ వేయమని భార్య నీతూ దేవికి చెప్పాడు. అయితే గురువారం కావడం వల్ల వద్దని వారించింది. దీనికి కోపం తెచ్చుకున్న అజిత్.. భార్యపై చేయి చేసుకున్నాడు.
ఈ క్రమంలోనే తన మాట వినడం లేదని ఆమెను గొంతు నులిమి చంపినట్లు పోలీసులు అనుమానిస్తున్నారు. ఆత్మహత్యగా చిత్రీకరించే ప్రయత్నంలో భాగంగా.. సీలింగ్ ఫ్యాన్కు భార్య మృతదేహాన్ని వేలాడదీసి ఇంటి నుంచి పారిపోయాడు. దీనిపై కేసు నమోదు చేసిన పోలీసులు.. దర్యాప్తు చేస్తున్నారు. నిందితుడ్ని పట్టుకునేందుకు చర్యలు చేపట్టారు.
ఇదీ చూడండి: భర్త జననాంగాలు కోసి దారుణ హత్య.. కారణం ఇదే!
