NHPC Recruitment 2023 : జలవిద్యుత్ ఉత్పత్తి రంగంలోని ప్రభుత్వ రంగ సంస్థ, 'మినీ రత్న'.. ఎన్హెచ్పీసీ లిమిటెడ్ 388 పోస్టుల భర్తీ కోసం ప్రకటన విడుదల చేసింది. ఈ నోటిఫికేషన్ ద్వారా జూనియర్ ఇంజినీర్ (జేఈ), సూపర్వైజర్, అకౌంటెంట్ సహా వివిధ కేటగిరీలకు చెందిన పోస్టులను భర్తీ చేయనుంది. ఆసక్తి గల అభ్యర్థులు ఆన్లైన్లో దరఖాస్తు చేసుకోవచ్చు.
పోస్టుల వివరాలు
- జూనియర్ ఇంజినీర్ (సివిల్) - 149 పోస్టులు
- జూనియర్ ఇంజినీర్ (ఎలక్ట్రికల్) - 74 పోస్టులు
- జూనియర్ ఇంజినీర్ (మెకానికల్) - 63 పోస్టులు
- జూనియర్ ఇంజినీర్ (ఈ&సీ) ఎస్ 1 - 10 పోస్టులు
- సూపర్ వైజర్ (ఐటీ) ఎస్ 1 - 9 పోస్టులు
- సూపర్ వైజర్ (ఐటీ) ఎస్ 1 - 19 పోస్టులు
- సీనియర్ అకౌంటెంట్ ఎస్ 1 - 28 పోస్టులు
- హిందీ ట్రాన్స్లేటర్ - 14 పోస్టులు
- డ్రాఫ్ట్మెన్ (సివిల్) - 14 పోస్టులు
- డ్రాఫ్ట్మెన్ (ఎలక్ట్రికల్, మెకానికల్) - 8 పోస్టులు
వయోపరిమితి :
అభ్యర్థుల వయస్సు 30 సంవత్సరాలలోపు ఉండాలి. అయితే రిజర్వేషన్లు ప్రకారం, వయోపరిమితి సడలింపు కూడా ఉంటుంది.
విద్యార్హత
అభ్యర్థులు ప్రభుత్వ గుర్తింపు పొందిన యూనివర్సిటీల నుంచి ఆయా కేటగిరీలకు చెందిన జూనియర్ ఇంజినీర్ పోస్టులకు సంబంధించిన ఫుల్టైమ్ డిప్లొమా లేదా ఐటీఐ చేసి ఉండాలి.
ఎంపిక ప్రక్రియ
అభ్యర్థులకు కంప్యూటర్ బేస్డ్ టెస్ట్ నిర్వహిస్తారు. దీనిలో ఉత్తీర్ణులైన అభ్యర్థులకు పోస్టులకు ఎంపిక చేస్తారు.
పరీక్ష విధానం
ఎన్హెచ్పీసీ జేఈ పరీక్ష పత్రంలో మొత్తం 200 ప్రశ్నలు ఉంటాయి. ఇవి ఆబ్జెక్టివ్ లేదా మల్టిపుల్ ఛాయిస్ ప్రశ్నల తరహాలో ఉంటాయి. ప్రతి సరైన జవాబుకు 1 మార్కు వస్తుంది. ప్రతి తప్పు సమాధానానికి 0.25 చొప్పున నెగెటివ్ మార్క్ ఉంటుంది. మొత్తం పరీక్ష వ్యవధి 3 గంటలు.
పరీక్ష పత్రంలో 3 భాగాలు ఉంటాయి. పార్ట్ 1లో సంబంధిత ఉద్యోగ కేటగిరీకి చెందిన సబ్జెక్ట్పై 140 ప్రశ్నలు ఉంటాయి. పార్ట్ 2లో జనరల్ అవేర్నెస్ ప్రశ్నలు 30 ఉంటాయి. పార్ట్ 3లో రీజనింగ్ ఎబిలిటీ ప్రశ్నలు 30 ఉంటాయి. మొత్తంగా 200 ప్రశ్నలు ఉంటాయి.
అప్లికేషన్ ఫీజు
ఎస్సీ, ఎస్టీ, దివ్యాంగులు, ఎక్స్ సర్వీస్మెన్ కేటగిరీల అభ్యర్థులకు పరీక్ష ఫీజు నుంచి మినహాయింపు ఇచ్చారు. మిగతా కేటగిరీల అభ్యర్థులు జీఎస్టీతో సహా రూ.295 అప్లికేషన్ ఫీజుగా చెల్లించాలి.
దరఖాస్తుకు చివరి తేదీ
దరఖాస్తు ప్రక్రియ జూన్ 9 నుంచి ప్రారంభమైంది. దరఖాస్తుకు చివరి తేదీ జూన్ 30. ఆసక్తి గల అభ్యర్థులు ఆన్లైన్లో మాత్రమే అప్లై చేసుకోవాలి.
పరీక్ష తేదీ వివరాలు
ప్రస్తుతానికి అడ్మిట్ కార్డ్ డౌన్లోడ్, పరీక్ష తేదీ వివరాలు వెల్లడించలేదు. అప్డేట్స్ కోసం అభ్యర్థులు ఎన్హెచ్పీసీ అధికారిక వెబ్సైట్ https://www.nhpcindia.com/ ను చూడాలి.
ఇవీ చదవండి :
