మధ్యప్రదేశ్ ఇందోర్లో అమానుష ఘటన వెలుగు చూసింది. అభంశుభం తెలియని ఏడాది వయసు చిన్నారిపై లైంగిక వేధింపులకు పాల్పడ్డారు కొందరు కిరాతకులు. తల్లి వద్ద నిద్రిస్తున్న సమయంలో చిన్నారిని ఎత్తుకెళ్లి ఈ దారుణానికి ఒడిగట్టారు.
అసలేం జరిగింది?
ఇందోర్ తీన్ ఇమ్లీ ప్రాంతంలోని ఓ వంతెన కింద... సోమవారం రాత్రి ఓ చిన్నారి(1) తన తల్లి పక్కన నిద్రిస్తోంది. ఆ సమయంలో గుర్తు తెలియని వ్యక్తులు చిన్నారిని అపహరించారు. ఘటనాస్థలి నుంచి మూడు కిలోమీటర్ల దూరంలో ఉన్న రాజీవ్గాంధీ స్క్వేర్ ప్రాంతంలో మరుసటి రోజు ఆమెను దుండగులు వదిలిపెట్టారు. ఈ మేరకు ఆజాద్ నగర్ పోలీస్ స్టేషన్ ఇన్ఛార్జ్ ఇంద్రేశ్ త్రిపాఠి తెలిపారు. లైంగిక వేధింపులకు గురైనట్లుగా చిన్నారి శరీరంపై గాయాలున్నాయని వైద్య నివేదికలో తేలిందని చెప్పారు.
నిందితులను పట్టుకునేందుకు ఘటనాస్థలిలోని సీసీటీవీ రికార్డులను పోలీసులు పరిశీలిస్తున్నారు. దీనిపై దర్యాప్తు కొనసాగుతోందని చెప్పారు.
ఇవీ చూడండి:
