మహారాష్ట్ర పుణెలో(Maharashtra Pune News) ఓ ఇద్దరు మహిళలు.. భారీ చోరీకి పాల్పడ్డారు. ఓ జువెలరీ షాపు నుంచి రూ.1.2 కోట్లు విలువ చేసే బంగారాన్ని కాజేశారు. అయితే.. వీరి తతంగం అంతా సీసీటీవీ కెమెరాల్లో రికార్డైంది.
అసలేం జరిగిందంటే..?
పుణె(Maharashtra Pune News) రవివార్ పేఠ్లోని ఓ బంగారు నగల షాపులోకి శనివారం మధ్యాహ్నం ఇద్దరు మహిళలు.. నగలు కొనేందుకు వచ్చారు. అయితే.. అదే సమయంలో ముంబయికి చెందిన ఓ జినేశ్ బోరానా అనే బంగారం వ్యాపారి 3 కిలోల 139 గ్రాముల బంగారాన్ని తెల్లని ప్లాస్టిక్ బాక్సులో పెట్టుకుని ఆ షాపుకు వచ్చాడు. ఈ క్రమంలో అతని వద్ద ఉన్న బంగారం బాక్సును ఈ మహిళలు కాజేశారు.
దీనిపై బాధితుడు బంగారం వ్యాపారి జినేశ్ బోరానా(33) ఫరాస్ఖానా పోలీస్ స్టేషన్లో ఫిర్యాదు చేశాడు. ఓ బాలుడు సహా ఆ ఇద్దరు మహిళలపై పోలీసులు కేసు నమోదు చేశారు. మహిళలు కాజేసిన బంగారం ధర రూ.1.2 కోట్లుగా ఉంటుందని చెప్పారు.
ఇదీ చూడండి: కుర్రాడి స్మార్ట్ ఐడియా.. అలెక్సా మాదిరిగా 'స్మార్ట్ మిర్రర్'
ఇదీ చూడండి: రైలు కింద పడిన మహిళ- తప్పిన ప్రమాదం
