దేశంలో కొవిడ్ వ్యాప్తి తీవ్రంగా ఉన్నప్పటికీ కేరళ ఇడుక్కి జిల్లాలోని ఇడమలక్కుడి పంచాయతీ పరిధిలో ఒక్కరూ వైరస్ బారిన పడలేదు. మొదటి నుంచి కొవిడ్ను పూర్తి స్థాయిలో కట్టడి చేసి సఫలీకృతమయ్యారు అక్కడి ప్రజలు.
ఈ గ్రామంలో దాదాపు 2,000 మంది నివసిస్తున్నారు. ఇది రాష్ట్రంలోనే ఏకైక గిరిజన గ్రామ పంచాయతీ.
అనుమతి తప్పనిసరి..
కొవిడ్ నిబంధనలు సరిగ్గా అమలు చేయడం వల్లే తాము వైరస్ బారిన పడలేదని గ్రామస్థులు చెబుతున్నారు. తమ ప్రాంతానికి ఎవరు రావాలన్నా రాష్ట్ర అటవీ శాఖ నుంచి అనుమతి పొందాల్సిందే అని తెలిపారు.
నిత్యావసరాలు ఎలా?
రేషన్ సరకులు మినహా మిగిలిన అన్ని వస్తువులు వారంలో ఒకసారి తెచ్చుకుంటారు ఈ గ్రామస్థులు. అందరి తరఫున ఒకరే వెళ్లి ఈ వస్తువులు తీసుకొస్తారు. బయటకు ఎవరు వెళ్లినా రెండు వారాల పాటు క్వారంటైన్లో ఉంటారు. ఈ విధమైన కఠిన నిబంధనలు పాటించడం వల్లే ఈ గిరిజనులు వైరస్ బారిన పడకుండా సురక్షితంగా ఉన్నారని సబ్ కలెక్టర్ ప్రేమ్ క్రిష్ణణ్ తెలిపారు.
ఇదీ చదవండి:కరోనాపై పోరులో వీరు అ'సామాన్యులు'
