అవకాశాలు రావాలేగాని మగవారితో సమానంగా మహిళలు రాణించగలరని అనేక సందర్భాల్లో రుజువైంది. తాజాగా కర్ణాటక చామరాజనగర్ జిల్లా కొల్లెగళకు చెందిన ఆష్రితా ఓలేటి ఫ్లైట్ టెస్టింగ్ ఇంజినీర్గా ఎంపికయ్యారు. వైమానిక దళంలో కఠినంగా భావించే ఈ పోస్టుకు ఎంపికైన తొలి మహిళగా నిలిచారు.
భారత్లోని ఎయిర్ఫోర్స్ టెస్ట్ పైలట్ స్కూల్ నుంచి ఆమె ఎంపికయ్యారు. ఈ శిక్షణ భారత్లో ప్రారంభమైన(1976లో) నాటి నుంచి.. 275 మంది మాత్రమే ఈ కోర్సు పూర్తి చేశారు.
అత్యంత కఠినమైన శిక్షణా కోర్సును ఆష్రితా ఓలేటి విజయవంతంగా పూర్తి చేసి.. భారత వైమానిక దళంలో క్వాడ్రిల్ నాయకురాలిగా చేరారు. తద్వారా ఈ ఘనత సాధించిన మొదటి మహిళా అధికారిగా చరిత్ర సృష్టించారు. ఫ్లైట్ టెస్ట్ ఇంజినీర్లు విమానయాన వ్యవస్థను అంచనా వేస్తుంటారు.
భారత్లోని ఎయిర్ఫోర్స్ టెస్ట్ పైలట్ స్కూల్ ప్రపంచంలోని ఏడు యూనివర్సిటీల్లో ఒకటని రిటైర్డ్ సైనికాధికారి గంగాధర్ తెలిపారు.
ఇవీ చదవండి: ఒకేసారి 2 చేతులతో రాసి.. ప్రపంచ రికార్డు కొల్లగొట్టి..
