చైనాతో ఘర్షణ వాతావరణం కొనసాగుతున్న నేపథ్యంలో.. భారత వాయుసేన కీలన నిర్ణయం తీసుకుంది. కొత్తగా తమ అమ్ములపొదిలో చేరిన రఫేల్(Rafale) యుద్ధ విమానాల్లోంచి ఐదింటిని భారత్-టిబెట్ సరిహద్దుల్లో మోహరించింది. బంగాల్లోని హసిమారా కేంద్రంగా ఈ రెండో రఫేల్ స్క్వాడ్రన్ను ఏర్పాటు చేశారు. దీనికి 101 స్క్వాడ్రన్గా నామకరణం చేశారు. భారత్-భూటాన్ సరిహద్దుల్లోని అత్యంత కీలకమైన సిలిగురి కారిడార్లో ఉన్నదే ఈ హసిమారా ఎయిర్ఫోర్స్ స్టేషన్!
సిక్కిం, భూటాన్, చైనాల మధ్య ట్రైజంక్షన్గా పరిగణించే చంబీలోయకు ఇది అత్యంత దగ్గరలో ఉంటుంది. 2017లో ఫ్రాన్స్ నుంచి భారత్ అత్యంత ఆధునికమైన 36 రఫేల్ జెట్లను కొనుగోలు చేసింది. వీటిని తొలుత హరియాణాలోని అంబాలా కేంద్రంగా మోహరించారు. ఆ స్క్వాడ్రన్కు 'గోల్డెన్ యారో'గా నామకరణం చేశారు. ఇప్పటికే గత కొద్దినెలలుగా 18 రఫేల్లు.. లద్దాఖ్ గగనతలంలో నిరంతరం విహంగవీక్షణం చేస్తున్నాయి.
తాజాగా.. బంగాల్లోని హసిమారా కేంద్రంలో రఫేల్ల మోహరింపుతో.. తూర్పు దిశగా వాయుసేన బలం పెరిగినట్లవుతుంది. ఇప్పటికే అసోంలోని చబువా, తేజ్పూర్లలో సుఖోయ్-30 ఎంకేఐలను ఉంచారు. మొత్తం 36 రఫేల్ యుద్ధ విమానాల్లో మిగిలినవి 2022 మే కల్లా భారత్ చేరుకుంటాయి.
ఇవీ చదవండి:
