Man Shoots Daughter in Law: టిఫిన్ పెట్టలేదన్న కారణంతో కోడలిపై కాల్పులకు దిగాడు ఓ వృద్ధుడు. మహారాష్ట్రలోని ఠాణెలో గురువారం ఉదయం సుమారు 11.30 గంటలకు ఈ ఘటన జరిగింది. నిందితుడిని కాశీనాథ్ పాండురంగ్ పాటిల్గా (76) పోలీసులు గుర్తించారు. ఈ కాల్పుల్లో తీవ్రంగా గాయపడిన బాధితురాలు ఆసుపత్రిలో చికిత్స పొందుతోంది. నిందితుడి మరో కోడలి ఫిర్యాదు మేరకు ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.
కాల్పులకు పాల్పడిన పాటిల్ను అరెస్ట్ చేయాల్సి ఉంది. ఈ ఘటన వెనుక మరే కారణమైనా ఉందా అనే కోణంలో కూడా విచారణ చేపడుతున్నట్లు పోలీసులు వెల్లడించారు. టీతో పాటు కోడలు తనకు బ్రేక్ఫాస్ట్ పెట్టలేదనే కోపంతో నిందితుడు ఈ దారుణానికి పాల్పడినట్లు తెలిపారు.
ఇదీ చూడండి : రూ.15వేల కోసం బాలికను చంపిన యువకుడు.. ఆపై ఆత్మహత్య
