దేశంలో కొవిడ్ వ్యాప్తి కాస్త తగ్గుముఖం పట్టింది. కానీ, దక్షిణాది రాష్ట్రాల్లో వైరస్ మళ్లీ విజృంభిస్తోంది. కేరళలో కొత్తగా 4,581 కొవిడ్ కేసులు నమోదయ్యాయి. ప్రస్తుతం రాష్ట్రంలో 74 వేలకు పైగా యాక్టివ్ కేసులున్నాయి. రికవరీ రేటు పెరగటం కాస్త ఊరట కలిగిస్తోంది.
- దిల్లీలో కొత్తగా 3,235 కొవిడ్ కేసులు నమోదయ్యాయి. 95 మంది వైరస్ కారణంగా మృతిచెందారు. దిల్లీలో ఇప్పటి వరకూ నమోదైన మొత్తం కేసుల సంఖ్య 4,85,405గా ఉంది. ప్రస్తుతం ఉన్న యాక్టివ్ కేసుల సంఖ్య 39,990.
- మహారాష్ట్రలో కొత్తగా 2,544 మందికి కరోనా సోకింది. 60 మంది మరణించారు. ఫలితంగా మొత్తం మృతుల సంఖ్య 45,974కు చేరింది. ప్రస్తుతం 84,918 యాక్టివ్ కేసులున్నాయి.
- తమిళనాడులో ఆదివారం కొత్తగా 1,819 మందికి వైరస్ సోకింది. 12 మంది మృతి చెందారు. దీంతో మొత్తం మృతుల సంఖ్య 11వేలు దాటింది. రాష్ట్రంలో ప్రస్తుతం 16,441 యాక్టివ్ కేసులున్నాయి. మొత్తం కేసుల సంఖ్య 7 లక్షలకు పెరిగింది.
- కర్ణాటకలో కొత్తగా 1,565 మంది వైరస్ బారిన పడ్డారు. 21 మంది మృతి చెందగా మొత్తం మృతుల సంఖ్య 11,529కు చేరింది. ప్రస్తుతం 27 వేలకు పైగా యాక్టివ్ కేసులుండగా మొత్తం కేసుల సంఖ్య 8,61,647గా ఉంది.
