ఈ నెల 24న ప్రధాని నరేంద్ర మోదీతో జరగనున్న జమ్ముకశ్మీర్లోని వివిధ పార్టీల సమావేశానికి కాంగ్రెస్ కూడా హాజరుకానుంది. ఈ మేరకు ఆ పార్టీ అధిష్టానం తెలిపింది. జమ్ముకశ్మీర్కు పూర్తి స్థాయి రాష్ట్ర హోదా ఇవ్వాలని గతంలో చేసిన తీర్మానానికి తమ పార్టీ కట్టుబడి ఉందని స్పష్టం చేసింది.
సోనియా గాంధీ అధ్యక్షతన జరిగిన కాంగ్రెస్ పార్టీ సమావేశంలో ఈ నిర్ణయం తీసుకున్నారు.
ప్రధాని మోదీతో కాంగ్రెస్ తరపున జమ్ముకశ్మీర్ మాజీ ముఖ్యమంత్రి గులాం నబీ ఆజాద్, తారా చంద్, కాంగ్రెస్ రాష్ట్ర కమిటీ చీఫ్ గులాం అహ్మద్ మిర్ హాజరుకానున్నారు. ప్రధాని మోదీ సమావేశం ఎజెండా ఇంకా వెల్లడించలేదని.. అందువల్ల దాని గురించి ఇప్పడు మాట్లాడటం సరికాదని మిర్ అన్నారు.
ఇదీ చదవండి: 'ప్రధాని మోదీతో భేటీకి 'గుప్కార్' సిద్ధం'
