కోడిగుడ్డు పెంకుపై అద్భుత చిత్రాలు
కోడిగుడ్డు పెంకులను కాన్వాస్లా మార్చాడు తమిళనాడు కోయంబత్తూరుకు చెందిన ఓ 11 ఏళ్ల కుర్రాడు. గుడ్డు పెంకులపై అద్భుతమైన కార్టూన్ చిత్రాలను గీసి అందరినీ ఆశ్యర్యపరుస్తున్నాడు.
"లాక్డౌన్ సమయంలో ఇంటిదగ్గరే ఉండటం చాలా బోర్ కొట్టేది. ఈ క్రమంలో నాకు ఓ ఆలోచన వచ్చింది. కోడిగుడ్డు తిని వాటి పెంకులను పారేయకుండా కొత్తగా ఏమైనా చేయాలి అనుకున్నాను. ఆపై పెంకులపై బొమ్మలు గీస్తే బాగుంటుందనిపించింది. ఇప్పటివరకు 100కుపైగా చిత్రాలను గీశాను."
-సంజయ్, చిత్రకారుడు
కార్టూన్ బొమ్మలు గీసి వాటికి రంగులు కూడా వేశాడు సంజయ్. చిన్నపిల్లలకు నచ్చే.. స్పైడర్ మ్యాన్, సూపర్ మ్యాన్, మిక్కీమౌస్, బ్యాట్మ్యాన్ మొదలైన చిత్రాలను గీసినట్లు సంజయ్ చెబుతున్నాడు.
