హరియాణాలో దారుణమైన ఘటన వెలుగుచూసింది. గుర్తుతెలియని హంతకులు ఓ మహిళను చంపి.. ముక్కలుగా చేసి జాతీయ రహదారి పక్కన పడేశారు. దాదాపు 10 రోజుల క్రితం ఈ హత్య జరిగి ఉండొచ్చని పోలీసులు భావిస్తున్నారు. ప్రస్తుతం దీనిపై కేసు నమోదుచేసుకొని విచారణ చేస్తున్నట్లు వెల్లడించారు.
అసలు ఏం జరిగిందంటే..?
రేవాడీ జిల్లా అస్లావాస్ గ్రామానికి చెందిన రామ్పాల్ అనే రైతు మంగళవారం రాత్రి 9గంటల సమయంలో కసోలా ప్రాంతంలోని.. దిల్లీ- జైపుర్ జాతీయ రహదారికి పక్కన ఉండే తన పొలానికి వెళ్లాడు. అక్కడ ఓ మహిళ శరీర భాగాలు విడిగా పడి ఉండడాన్ని గుర్తించాడు. ముందుగా రామ్పాల్కు తల, మొండెం కనిపించాయి. అనంతరం కొద్ది దూరంలో ఒక ట్రాలీ బ్యాగ్ చుట్టూ కుక్కలు గుంపుగా ఉండడాన్ని గమనించాడు. దీంతో ఆ బ్యాగ్ని పరీక్షించగా.. దాని నుంచి చెడు వాసన రావడం గుర్తించాడు. వెంటనే రామ్పాల్ ఆ విషయాన్ని పోలీసులకు తెలియజేశాడు.
సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. గుర్తుపట్టలేని స్థితిలో ఉన్న శరీర భాగాలను.. పోస్టుమార్టం నిమిత్తం ఆస్పత్రికి తరలించారు. ఈ హత్య జరిగి దాదాపు 10 రోజులు అయి ఉండొచ్చని భావిస్తున్నారు. హంతకుడు సాక్ష్యాదారాలను మాయం చేయడానికే ఇలా చేసినట్లు పోలీసులు అనుమానిస్తున్నారు. దీనిపై కేసు నమోదు చేసుకొని.. నిందితులు కోసం గాలిస్తున్నట్లు కసోలా స్టేషన్ ఇన్ఛార్జ్ మనోజ్ కడియాన్ తెలిపారు.
బిడ్డకు జన్మనిచ్చిన మైనర్..
మహారాష్ట్రలో ఓ యువకుడు ఓ మైనర్ను ప్రేమ పేరుతో మాయమాటలు చెప్పి తల్లిని చేశాడు. దీంతో ఆ బాలిక డిసెంబర్ 8న ఓ చిన్నారికి జన్మనిచ్చింది. ముంబయిలో జరిగిన ఈ ఘటన ఆలస్యంగా వెలుగులోకి వచ్చింది.
యావత్మాల ప్రాంతంలో నికేశ్ సేసారావు అనే యువకుడు ప్రేమ పేరుతో మయమాటలు చెప్పి ఓ మైనర్కు దగ్గరయ్యాడు. 2022 మార్చి నుంచి ఆమెతో శరీరక సంబంధం పెట్టుకున్నాడు. బాలిక ప్రేమ వ్యవహారాన్ని కుటుంబసభ్యులు గుర్తించి.. అతనితో మాట్లాడవద్దని హెచ్చరించారు. దాంతో బాలిక.. నికేశ్తో మాట్లాడడం మానేసింది. కానీ అప్పటికే బాలిక గర్భం దాల్చింది. అయితే, బాలిక సాధారణంగానే ఉండడం, తన పనులు తానే చేసుకుంటుండటం వల్ల.. ఆమె గర్భవతి అన్న విషయాన్ని కుటుంబసభ్యులు గుర్తించలేకపోయారు. దీంతో బాలిక డిసెంబర్ 8న ఇంట్లో ఎవరూ లేని సమయంలో.. ఓ చిన్నారికి జన్మనిచ్చింది. దీనిపై బాలిక కుటుంబసభ్యులు నికేశ్పై పోలీసులకు ఫిర్యాదు చేశారు. పోలీసులు 23ఏళ్ల నికేశ్పై పోక్సో చట్టం కింద కేసు నమోదు చేసి అదుపులోకి తీసుకున్నట్లు తెలిపారు.
ఆవుపై అత్యాచారం చేసిన మైనర్..
కామంతో కళ్లు మూసుకుపోయిన ఓ మైనర్.. మూగజీవిపై లైంగిక దాడికి పాల్పడ్డాడు. ఈ వికృత ఘటన పుణెలో వెలుగుచూసింది. దీంతో పోలీసులు ఆ మైనర్ను అరెస్ట్ చేశారు. కైపుణ్య ప్రాంతం ఫుర్సింగ్ గ్రామంలోని.. గణపతి ఆలయానికి పక్కన ఈ దారుణం జరిగింది. 16 ఏళ్ల ఓ యువకుడు పంటపొలంలో ఆవు కాళ్లను తాళ్లతో కట్టి అత్యాచారం చేశాడు. ఈ విషయం తెలుసుకొన్న హడప్సర్ పోలీసులు అతడిని.. జంతు హింస కేసులో అరెస్ట్ చేశారు. దీంతో ఆ ప్రాంతంలోని ప్రజలు పెద్ద ఎత్తున ఆదోళనలు చేపట్టారు.
రేబిస్తో మృతి చెందిన బాలుడు..
ఉత్తర్ప్రదేశ్లో ఓ బాలుడు కుక్కకాటుకు గురై మృత్యువాత పడ్డాడు. కొన్ని రోజుల క్రితం ఆగ్రాలోని రుద్మౌలీ ప్రాంతంలో.. అరవింద్ బహదురియా అనే వ్యక్తి కుమారుడు 8 ఏళ్ల నైతిక్కు ఓ వీధి కుక్క కరిచింది. ఈ విషయాన్ని నైతిక్ ఇంట్లో చెప్పలేదు. కుక్కకాటుకు గురైన తర్వాత.. నుంచి నైతిక్ వింతగా ప్రవర్తించడం మొదలుపెట్టాడు. కుటుంబసభ్యులకు.. నైతిక్ ఎందుకలా ప్రవర్తిస్తున్నాడో అర్థం కాలేదు. దాదాపు నెలన్నర నుంచి అతని ప్రవర్తనలో చాలా మార్పులు వచ్చాయి. కొద్దిరోజులకు కుక్కలా ప్రవర్తించడం మొదలుపెట్టాడు. దీంతో కుటుంబసభ్యులు నైతిక్ను ఆస్పత్రిలో చేర్పించారు. అప్పటికే నైతిక్ శరీరం మొత్తం రేబిస్ వ్యాపించిందని వైద్యులు తెలిపారు. ఆస్పత్రిలో చికిత్స పొందుతున్న నైతిక్ సోమవారం మృతి చెందాడు. నైతిక్ మృతితో కుటుంబసభ్యులు ఒక్కసారిగా విషాదంలో మునిగిపోయారు. రుద్మౌలీ చుట్టుపక్కల ప్రాంతాల్లో ఎక్కువగా వీధి కుక్కలు ఉన్నాయని.. వాటి కారణంగా చాలా మంది కుక్క కాటుకు గురవుతున్నట్లు స్థానికులు వాపోయారు.
