విద్యార్థులను ఎక్కించుకోలేదని మంత్రి బస్ ఛేజింగ్

పాఠశాల విద్యార్థులను ఎక్కించుకోకుండా వెళ్లిన బస్సు డ్రైవర్, కండక్టర్​పై ఆగ్రహం వ్యక్తం చేశారు కర్ణాటక విద్యాశాఖ మంత్రి. బస్సును వెంబడించి అడ్డుకున్నారు. పిల్లల్ని తప్పనిసరిగా ఎక్కించుకోవాలని ఆదేశించారు.

పాఠశాల విద్యార్థులను చూసి బస్సు ఆపలేదని కర్ణాటక ప్రాథమిక-ఉన్నత విద్యా శాఖ మంత్రి కే సురేష్ కుమార్.. అదే ఆర్​టీసీ బస్సును వెంబడించి ఆపేశారు.

తుమకూరు జిల్లాలోని మధుగిరిని సందర్శించేందుకు వెళ్తున్న ఆయన.. రోడ్డు పక్కన పిల్లలు ఆగి ఉండటాన్ని గమనించారు. బస్సు ఆపాలని పిల్లలు చేయి చూపించి అడిగినా.. ఆగకుండా వెళ్లిపోవడాన్ని చూశారు. దీంతో బస్సును తన కాన్వాయ్​తో వెంబడించి అడ్డగించారు. డ్రైవర్, కండక్టర్​కు వార్నింగ్ ఇచ్చారు. పాఠశాల విద్యార్థులను తప్పనిసరిగా ఎక్కించుకోవాలని ఆదేశించారు.

ఇదీ చదవండి: వూలా ఛాయ్​... జర దేఖో భాయ్​!