ఉత్తర్ప్రదేశ్లో 15ఏళ్ల బాలుడు కిడ్నాప్కు గురయ్యాడు. కొద్ది సేపటికి ఆ బాలుడి బంధువులకు ఫోన్ చేసి రూ. 50 కోట్లు డిమాండ్ చేశాడు కిడ్నాపర్. దీంతో భయాందోళనకు గురైన కుటుంబ సభ్యులు పోలీసులను ఆశ్రయించారు. పోలీసులు, ప్రత్యేక టాస్క్ఫోర్స్ రంగంలోకి దిగటంతో అసలు విషయం బయటికి వచ్చింది. ఆ బాలుడే కిడ్నాప్ డ్రామా ఆడినట్లు తేలిసి.. కుటుంబం, పోలీసులు ఖంగుతున్నారు.
అలా ఎందుకు చేశాడంటే?
ఇన్నాళ్లు తండ్రి, పినతల్లితో పాటు ఇద్దరు సోదరీమణులతో కలిసి ఉన్నాడు ఆ బాలుడు. అయితే.. అక్కడి పరిస్థితులు నచ్చక వేరే చోటుకు వెళ్లేందుకే ఇలా ప్లాన్ చేశాడని పోలీసుల విచారణలో వెల్లడైంది. ఇందుకోసం అతడు డబ్బు పంపమని తొలుత తన సోదరికి సంక్షిప్త సందేశాన్ని పంపాడు. ఆ తర్వాత ఓ లేఖ కూడా రాసినట్టు తెలిసింది.
ఈ ఘటనలో బాలుణ్ని అదుపులోకి తీసుకున్న పోలీసులు.. అతడి నుంచి రూ. 9.31 లక్షలు స్వాధీనం చేసుకున్నారు. ఈ ఘటనపై శిశు సంక్షేమ కమిటీ అధికారులకు సమాచారం అందడం వల్ల.. ఆ అబ్బాయిని, తండ్రిని కోర్టులో హాజరుపరచనున్నారు.
ఇదీ చదవండి: 'ఆత్మహత్య' కేసులో అర్నబ్ గోస్వామి అరెస్టు
