మధ్యప్రదేశ్ శివపురి జిల్లాలో ఘోర ప్రమాదం జరిగింది. అహ్మదాబాద్ వైపు వెళ్తున్న ఓ బస్సు.. ద్విచక్ర వాహనాన్ని తప్పించే క్రమంలో అదుపుతప్పి బోల్తా పడింది. ఈ ఘటనలో 12 మంది ప్రయాణికులకు తీవ్ర గాయాలయ్యాయి.
గ్వాలియర్ జిల్లాలోని దాద్రా నుంచి అహ్మదాబాద్ వైపు 30 మంది ప్రయాణికులతో వెళ్తున్న క్రమంలో కొలారస్ పోలీస్ స్టేషన్ పరిధిలో ఈ ప్రమాదం జరిగింది. బస్సు ప్రమాదం గురించి తెలుసుకున్న సమీప గురుద్వారాలోని పలువురు ఘటనా స్థలానికి చేరుకొని సహాయక చర్యలు చేపట్టారు. బస్సులో చిక్కుకువారిని బయటకు తీశారు. అనంతరం కొలారస్ పోలీసులు స్పందించి.. క్షతగాత్రులను ఆసుపత్రికి తరలించడంలో తోడ్పడ్డారు.
గాయపడిన వారిలో ముగ్గురి పరిస్థితి విషమించటం వల్ల శివపురి జిల్లా ఆసుపత్రికి తరలించారు.
ఇదీ చూడండి: ప్రియాంక గాంధీపై చేయి వేయడానికి ఎంత ధైర్యం: భాజపా
