సాధారణంగా ఏప్రిల్, మే, జూన్ నెలల్లో ఎండలు ఎక్కువగా ఉంటాయి. అయితే ఈసారి మాత్రం గతంలో కంటే అధిక ఉష్ణోగ్రతలు నమోదవడమే కాకుండా.. మార్చి నుంచే భానుడు తన ప్రతాపాన్ని చూపనున్నట్లు అంచనా వేసింది వాతావరణ శాఖ.
ఈ ఏడాది వాయువ్య, పశ్చిమ, మధ్య, దక్షిణ భారత్లోని కొన్ని ప్రాంతాల్లో మార్చి నుంచే సూర్యుడు భగ్గుమననున్నాడని వాతావరణ శాఖ హెచ్చరించింది. జూన్లోనూ సాధారణం కంటే అధిక ఉష్ణోగ్రతలు నమోదవుతాయని తెలిపింది.
ఉష్ణోగ్రతలు అధికంగా ఉండే రాష్ట్రాలివే..
పంజాబ్, హిమాచల్ప్రదేశ్, దిల్లీ, ఉత్తరాఖండ్, హరియాణా, రాజస్థాన్, ఉత్తర్ప్రదేశ్, గుజరాత్, మధ్యప్రదేశ్, బిహార్, ఛత్తీస్గఢ్, ఝార్ఖండ్, బంగాల్, ఒడిశా, తెలంగాణ, ఆంధ్రప్రదేశ్లోని తీరప్రాంతం, మహారాష్ట్రలో అధిక ఉష్ణోగ్రతలు నమోదుకానున్నాయి.
ఇదీ చదవండి: దిల్లీ: క్రమంగా సాధారణ స్థితి.. 39కి చేరిన మృతులు
