'భారత్​-నేపాల్ వివాదం పరిష్కారానికి అదొక్కటే మార్గం'

భారత్​-నేపాల్​ మధ్య దశాబ్దాలుగా బలమైన స్నేహ సంబంధాలున్నాయి. సంస్కాృతి, సామాజిక, ఆర్థిక బంధాలు విడదీయరానివి. భారత్ తర్వాత అత్యధిక శాతం హిందువులు ఉన్నది కూడా నేపాల్​లోనే. ఇంతకాలం మిత్రదేశాలుగా ఇరు దేశాల మధ్య ఇప్పుడు దూరం పెరిగింది. లిపులేఖ్, కాలాపానీ, లింపియాధురా తమ ప్రాంతాలని నేపాల్ ప్రకటించడం రెండు దేశాల మధ్య వివాదం రాజేసింది. ఆ ప్రాంతాలు తమ భూభాగంలో అంతర్భాగమని భారత్​ తేల్చిచెప్పింది. నేపాల్​ కొత్తగా రూపొందించిన మ్యాప్​ను తీవ్రంగా వ్యతిరేకించింది. ఆ దేశంలో కమ్యూనిస్టు పార్టీ అధికారంలోకి వచ్చాకే భారత్​పై వ్యతిరేకత మొదలైంది.

అయితే రెండు దేశాల మధ్య గతంలో ఉన్న సత్సంబంధాలను పునరుద్ధరించాలంటే చర్చలు తప్ప మరో ప్రత్యామ్నాయ మార్గం లేదని తెలిపారు సీనియర్​ విశ్లేషకులు యుబరాజ్​ ఘిమిరే. గత మూడు దశబ్దాలుగా ఇరు దేశాల మధ్య ద్వైపాక్షిక సంబంధాలను పరిశీలిస్తున్న ఆయన ఈటీవీ భారత్​తో పత్యేకంగా మాట్లాడారు. ఆర్టికల్​ 370 రద్దు చేసి​ కొత్త మ్యాప్​ విడుదల చేసినప్పటి నుంచే భారత్​పై నేపాల్​కు వ్యతిరేకత మొదలైందని వివరించారు.