దాదాపు 500 మంది ఉగ్రవాదులు దేశంలో అలజడులు సృష్టించడానికి సరిహద్దు ప్రాంతంలో సిద్ధంగా ఉన్నట్టు భారత నిఘావర్గాలకు సమాచారం అందింది. ఈ నేపథ్యంలో నియంత్రణ రేఖ వద్ద చొరబాట్లను సమర్థంగా తిప్పికొట్టేందుకు సైన్యానికి పూర్తి స్వేచ్ఛనిచ్చింది భారత ప్రభుత్వం.
కశ్మీర్లోకి చొరబడేందుకు ఉగ్ర లాంచ్ పాడ్లవద్ద 450-500 మంది ముష్కరులు సిద్ధంగా ఉన్నారని ఓ ఉన్నతాధికారి తెలిపారు. వీరిలో కొందరు భారత వైమానిక దాడిలో ధ్వంసమైన బాలాకోట్ ఉగ్రస్థావరంలో శిక్షణ పొందారని అధికారులు స్పష్టం చేశారు. పాకిస్థాన్ ఆధారిత ఉగ్రమూకలు భారత్లోని కీలక నగరాల్లో అలజడులు సృష్టించడానికి సిద్ధంగా ఉన్నట్టు పేర్కొన్నారు.
అంతకుముందు బాలాకోట్ ఉగ్రవాద శిబిరాన్ని పాకిస్థాన్ తిరిగి పునరుద్ధరించిందని సైన్యాధ్యక్షుడు జనరల్ బిపిన్‌ రావత్‌ వెల్లడించారు. ఈ నేపథ్యంలో జమ్ముకశ్మీర్ గవర్నర్ మాలిక్కు కశ్మీర్లోని భద్రతా పరిస్థితులు, ఉగ్రవాద వ్యతిరేక చర్యల గురించి ఆర్మీ నార్తర్న్ కమాండర్ లెఫ్టినెంట్ జనరల్ రణబీర్ సింగ్ వివరించినట్లు రాజ్భవన్ ప్రతినిధులు వెల్లడించారు.
