కేంద్రం తీసుకొచ్చిన వ్యవసాయ బిల్లులను నిరసిస్తూ.. శుక్రవారం భారత్ బంద్కు పిలుపునిచ్చాయి దేశంలోని వివిధ రైతు సంఘాలు. ఈ నేపథ్యంలో భారీ ఎత్తున ఆందోళనలకు రైతులు సన్నద్ధమవుతున్నారు.
అన్నదాతలు చేపట్టిన భారత్ బంద్కు కాంగ్రెస్ మద్దతు ప్రకటించింది. లక్షలాది మంది పార్టీ కార్యకర్తలు.. రైతులకు అండగా నిలుస్తారని పేర్కొంది. రైతులకు హాని కలిగించే బిల్లులను కేంద్రం తక్షణమే వెనక్కి తీసుకోవాలని డిమాండ్ చేసింది.
ఆ రాష్ట్రాల్లో...
పంజాబ్, హరియాణాలో భారత్ బంద్ ప్రభావం ఎక్కువగా కనపడే అవకాశాలు ఉన్నాయి. రైల్రోకోతో ఇప్పటికే ఆయా రాష్ట్రాల్లో నిరసనలు తారస్థాయికి చేరాయి. ఈ నేపథ్యంలో శుక్రవారం పంజాబ్ బంద్కు పిలుపునిచ్చారు ఆ రాష్ట్ర రైతులు. వీరికి హరియాణా రైతులతో పాటు 31 రైతు సంఘాలు మద్దతు ప్రకటించాయి.
బీకేయూ(భారతీయ కిసాన్ యూనియన్) సహా హరియణాలోని అనేక సంస్థలు రైతులతో చేతులు కలిపాయి. నిరసనలకు ప్రజలు మద్దతు తెలపాలని బీకేయూ అభ్యర్థించింది. నిరసనల్లో భాగంగా రోడ్లను దిగ్బంధించనున్నట్టు ప్రకటించింది శిరోమణి అకాలిదళ్.
'అలా చేయకండి...'
భారత్ బంద్ పేరుతో శాంతి భద్రతలకు విఘాతం కలిగించవద్దని రైతులకు విజ్ఞప్తి చేశారు పంజాబ్ ముఖ్యమంత్రి అమరీందర్ సింగ్. కరోనా నిబంధనలను పాటిస్తూనే నిరసనలు తెలపాలని కోరారు. అయితే ఈ విషయంలో ప్రభుత్వం కూడా రైతులతోనే ఉన్నట్టు స్పష్టం చేశారు ముఖ్యమంత్రి. రాష్ట్రంలో అమల్లో ఉన్న 144సెక్షన్ను ఉల్లంఘించే వారిపై ఎలాంటి చర్యలు చేపట్టమని పేర్కొన్నారు.
ఇవీ చూడండి:-
