దేశంలో కరోనా వ్యాప్తి ఏ మాత్రం తగ్గడం లేదు. భారీస్థాయిలో కొత్త కేసులు నమోదవడం తీవ్ర ఆందోళనకు గురిచేస్తోంది. మహారాష్ట్రలో కొవిడ్ ఉగ్రరూపం కొనసాగిస్తూ తాజాగా 23,446 మందికి సోకింది. మొత్తం బాధితుల సంఖ్య 9,90,795కు చేరింది. మహమ్మారి కారణంగా మరో 448 మంది ప్రాణాలు కోల్పోగా.. మొత్తం మృతుల సంఖ్య 28,282కు ఎగబాకింది. ఇప్పటివరకు ఆ రాష్ట్రంలో 7,00,715మంది వైరస్ను జయించగా.. 2,61,432 మంది చికిత్స పొందుతున్నారు.
ఆయా రాష్ట్రాల్లో వైరస్ విజృంభణ కొనసాగుతోందిలా..
- కర్ణాటకలో కొత్తగా 9,217 మందికి కరోనా సోకింది. మొత్తం బాధితుల సంఖ్య 4,30,947కు చేరింది. మహమ్మారి ధాటికి మరో 129 మంది బలవ్వగా.. మొత్తం మరణాల సంఖ్య 6,937కు పెరిగింది. ఇప్పటివరకు ఆ రాష్ట్రంలో 3,22,454 మంది వైరస్ను జయించారు. మరో 1,01,537 యాక్టివ్ కేసులున్నాయి.
కర్ణాటక పశు సంవర్ధక శాఖ మంత్రి ప్రభు చౌహాన్కు కరోనా పాజిటివ్గా నిర్ధరణ అయింది. ప్రభుతో పాటు ఆయన వ్యక్తిగత సహాయకులు నలుగురికి వైరస్ సోకింది. దీంతో మంత్రి స్వీయ నిర్బంధంలోకి వెళ్లనున్నట్లు తెలిపారు.
- దేశ రాజధాని దిల్లీలో కొత్తగా 4,308 మందికి కరోనా సోకగా.. మొత్తం కేసుల సంఖ్య 2,05,482కు చేరింది. మరో 28 మంది మరణాలతో.. ప్రాణాలు కోల్పోయినవారి సంఖ్య 4,666కు చేరింది. ఇప్పటివరకు 1,75,400మందికి వైరస్ నయమవ్వగా.. 25,416 మంది ఆయా ఆస్పత్రులలో చికిత్స పొందుతున్నారు.
- తమిళనాట కొత్తగా 5,528 మందికి కొవిడ్ పాజిటివ్గా తేలింది. బాధితుల సంఖ్య 4,86,052కు ఎగబాకింది. మరో 64 మంది వైరస్తో మరణించగా.. మృతుల సంఖ్య 8,154కు చేరింది. ఇప్పటివరకు 4,29,416 మంది వైరస్ను జయించగా.. మరో 48,482 మంది వివిధ ఆస్పత్రులలో చికిత్స పొందుతున్నారు.
- ఉత్తర్ప్రదేశ్లో తాజాగా 7,042 మందికి కొవిడ్ నిర్ధరణ అయింది. మరో 66 మంది వైరస్తో మరణించగా.. చనిపోయిన వారి సంఖ్య 4,206కు చేరింది. రాష్ట్రవ్యాప్తంగా మొత్తం 2,26,506 మంది కోలుకోగా.. 66,317 యాక్టివ్ కేసులు నమోదయ్యాయి.
- కేరళలో కొత్తగా 3,349 మంది కరోనా బారినపడ్డారు. ఇప్పటివరకు ఆ రాష్ట్రంలో 72,578 మంది వైరస్ను జయించగా.. మరో 22,229 యాక్టివ్ కేసులు ఉన్నాయి.
- పశ్చిమ్బంగాలో మరో 3,112 మందికి కరోనా పాజిటివ్గా తేలింది. ఫలితంగా కేసుల సంఖ్య 1,93,175కు ఎగబాకింది. మహమ్మారి కారణంగా మరో 41 మంది చనిపోగా.. మృతుల సంఖ్య 3,771కు పెరిగింది.
- మధ్యప్రదేశ్లో 2,187 కొత్త కేసులతో కలిపిం మొత్తం బాధితుల సంఖ్య 81,739కు చేరింది. ఇవాళ మరో 21 మంది వైరస్తో చనిపోగా.. మొత్తం ప్రాణాలు కోల్పోయిన వారి సంఖ్య 1,661కు చేరింది.
- జమ్ముకశ్మీర్లో ఇవ్వాళ ఒక్కరోజే 1,592 కరోనా కేసులు వెలుగుచూశాయి. బాధితుల సంఖ్య 49,134కు చేరింది. ఇప్పటివరకు అక్కడ 845 మంది కొవిడ్ కారణంగా ప్రాణాలు కోల్పోయారు.
- ఉత్తరాఖండ్లో కొత్తగా 1,015 కేసులు బయటపడ్డాయి. మొత్తం బాధితుల సంఖ్య 28,226కు పెరిగింది. ఆ రాష్ట్రంలో ఇప్పటివరకు 377 కరోనా మరణాలు నమోదయ్యాయి.
ఇదీ చదవండి: 'అప్పటివరకు కరోనాను తేలికగా తీసుకోవద్దు'
