అసోంలో ఓ వీడియో కలకలం సృష్టించింది. రాష్ట్ర సీఎం హిమంత బిశ్వశర్మను(assam cm news) హత్య చేయాలంటూ కొందరు ఒత్తిడి చేస్తున్నారని, తనను రక్షించాలంటూ శరత్ దాస్ అనే వ్యక్తి వీడియో తీసి పోస్ట్ చేశాడు(himanta latest news). వీడియో వైరల్ కాగా.. పోలీసులు శరత్ను రక్షించారు.
అసోంలోని లఖింపుర్ జిల్లాకు చెందిన శరత్.. శనివారం వీడియో విడుదల చేశాడు. అందులో తన పరిస్థితిని వివరించాడు.
"అసోం ప్రజలారా.. జాగ్రత్తగా ఉండండి. దిమాపుర్(నాగాలాండ్) నుంచి నేను ఈ వీడియో చేస్తున్నాను. కొన్ని పనుల మీద నేను ఇక్కడి 9వ తేదీన వచ్చాను. కొందరు నన్ను అపహరించారు. నా చేతికి పిస్టల్, మూడు బులెట్లు ఇచ్చారు. 'మామ'ను చంపాలని ఒత్తిడి చేశారు. ఈ విషయం బయటకు తెలిస్తే వీళ్లు నన్ను చంపేస్తారు. నా డాక్యుమెంట్లు, నా దగ్గర ఉన్న రూ.3లక్షలు తీసుకున్నారు. నన్ను హింసిస్తున్నారు."
--- శరత్ దాస్, అసోంవాసి.
సీఎం హిమంత బిశ్వశర్మను ఆయన మద్దతుదారులు ముద్దుగా 'మామ' అని పిలుస్తారు. అసెంబ్లీ ఎన్నికల వేళ ఆయనకు ఆ పేరు వచ్చింది.
అసోం-నాగాలాండ్ సరిహద్దు ప్రాంతమైన ఖంఖతిలోని ఓ హోటల్లో శరత్ను కనుగొని, అతడిని రక్షించినట్టు పోలీసులు ప్రకటించారు. శరత్ చెప్పింది నిజమా? కాదా? అన్న విషయంపై దర్యాప్తు చేపట్టినట్టు స్పష్టం చేశారు.
ఇదీ చూడండి:- ఇంకెన్నాళ్లీ రాష్ట్రాల సరిహద్దు వివాదాలు?
