కొవిడ్ ప్రభావం ఆసియన్ దేశాలు-భారత్ (Asean India Summit) మధ్య స్నేహానికి సవాల్గా మారిందన్నారు ప్రధాని నరేంద్ర మోదీ. ఈ సమయంలో పరస్పర సహకారంతోనే బంధం బలోపేతం చేయగలమని పేర్కొన్నారు. 18వ ఆసియాన్-భారత్ శిఖరాగ్ర సదస్సు (Asean India Summit) సందర్భంగా మోదీ ఈ వ్యాఖ్యలు చేశారు. ఈ సదస్సులో వర్చువల్గా పాల్గొన్న మోదీ.. ఆసియాన్ దేశాలతో స్నేహమే భారత్కు ప్రధానం అని స్పష్టం చేశారు.
'2022 నాటికి మన భాగస్వామ్యానికి 30 ఏళ్లు నిండుతాయి. భారత్ కూడా 75 ఏళ్ల స్వాతంత్ర్యాన్ని పూర్తి చేసుకుంటుంది. ఈ మైలురాయికి గుర్తుగా వచ్చే ఏడాది ఆసియాన్-భారత్ ఐక్యత సంవత్సరంగా జరుపుకుందాం.'
-ప్రధాని నరేంద్ర మోదీ
ఆసియాన్ దేశాలతో పెట్టుబడులు, వాణిజ్యం, భద్రత, రక్షణ రంగాల్లో సహకారాన్ని పెంపొందించడంపై ఈ సదస్సు వేదికగా భారత్ దృష్టిసారించింది.
ఇదీ చూడండి : వ్యాపారి హత్యకు కుట్ర పన్నిన ఉగ్రవాది హతం
