మహారాష్ట్ర కొల్హాపుర్‌లోని కలంబలో నివసిస్తున్న రాజేశ్ చౌగ్లే అనే యువకుడు దీపావళి పండుగ రోజు ఓ ఖరీదైన బైక్ను కొని దాన్ని ఊరేగింపుగా ఇంటికి తీసుకెళ్లాడు. అప్పట్లో సామాజిక మాధ్యమాల్లో వైరల్ అయిన ఆ వీడియోతో అతను బాగా పాపులర్ అయ్యాడు. అయితే ఇప్పుడు అదే బైక్ మళ్లీ వార్తల్లోకి ఎక్కింది. ఈ సారి ఎలా అంటే..
15 రోజుల క్రితం కొన్న అదే బైక్ గురువారం రాత్రి అనుమానాస్పద రీతిలో దగ్ధమైంది. ఎంతో ఆనందంగా ఆ బైక్ను ఇంటికి తీసుకొచ్చిన కొద్ది రోజులకే ఇలా జరగడం వల్ల అతను షాక్కు గురయ్యాడు. అసలు ఆ బైక్కు నిప్పు ఎలా అంటింది అన్న విషయం ఇప్పటికీ అర్థం కావాట్లేదని వాపోయాడు రాజేశ్.
ఊరేగింపుగా ఇంటికి..
రాజేశ్ చౌగ్లే కొద్దిరోజుల క్రితమే డప్పుల మోతలతో ఊరేగింపుగా తన ద్విచక్ర వాహనానికి స్వాగతం పలికాడు. షోరూమ్ నుంచి ఇంటి వరకు ఊరేగింపుగా తీసుకెళ్లాడు. స్టాక్ మార్కెట్ వ్యాపారం చేసే రాజేశ్ దీపావళి సందర్భంగా రూ.21 లక్షలు పెట్టి బైక్ను కొనుగోలు చేశాడు. పశ్చిమ మహారాష్ట్రలో కవాసకి నింజా జెడ్ఎక్స్-10 ఆర్ మోడల్ కొనుగోలు చేసిన మొదటి వ్యక్తి ఇతడే. అతడి వద్ద ఇప్పటికే అనేక కార్లు, స్పోర్ట్స్ బైక్లు ఉన్నాయి.
ఇదీ చదవండి: 97 మంది ఓటర్ల కోసం కొండల మధ్య పోలింగ్ సిబ్బంది సాహసం
చిన్ననాటి హాస్టల్ రోజుల్ని గుర్తు చేసుకుని రాష్ట్రపతి భావోద్వేగం
