పనస చెట్టుకి కాసిన జామకాయ గ్రామస్థులు
కేరళలోని కోజికోడ్ జిల్లా ముక్కోమ్ అనే గ్రామంలో ఉన్న ఓ ఇంట్లో పనస చెట్టుకు జామకాయ కాసింది. ఈ తరహా ఘటనలు ఇంతకుముందు చూసినప్పటికీ.. పనస చెట్టుకు జామకాయ అనేది వింతే అంటున్నారు అక్కడి ప్రజలు. ఈ విషయాన్ని మొదట కునుమ్మల్ సత్యవతి, ఆమె కుమార్తె షైజా మంగళవారం గుర్తించారు.
ఆ దారి గుండా వెళ్తున్న వీరు మొదట ఆశ్చర్యపోయినప్పటికీ.. తమను ఆట పట్టించేందుకు ఎవరో కావాలనే పనస చెట్టుకి జామకాయను పెట్టి ఉంటారని భావించారు. అయితే.. నిశితంగా పరిశీలించి నిజమని గ్రహించారు. ఈ వార్త ఆ నోటా ఈ నోటా వ్యాపించడంతో 'పనస-జామ'ను చూసేందుకు జనాలు తరలి వస్తున్నారని తోట యజమాని కునుమ్మల్ వివరించారు. అంతేగాక సందర్శకులు ఈ చెట్టు ముందుకు చేరి సెల్ఫీలు దిగుతున్నారని తెలిపారు.
ఇవీ చదవండి:
