Girl killed her Mother: బాయ్ఫ్రెండ్తో కలిసి కన్నతల్లిని హత్య చేసిన ఘటన తమిళనాడులో జరిగింది. నిద్రిస్తుండగానే తల్లిపై దాడి చేసి చంపేసింది యువతి. మునియలక్ష్మి అనే మహిళ.. తన భర్తకు దూరంగా ఉంటోంది. నలుగురు పిల్లలతో కలిసి ట్యూటికోరన్లో నివసిస్తోంది. స్థానిక ప్రభుత్వ మెడికల్ కాలేజీలో తాత్కాలిక క్లీనర్గా పనిచేస్తోంది.
Girl killed Mother boyfriends help: మహిళ పెద్ద కూతురు(17) పాలిటెక్నిక్ మధ్యలోనే ఆపేసింది. స్థానికంగా చాలా మంది యువకులతో యువతి సన్నిహితంగా ఉండేదని సమాచారం. బాయ్ఫ్రెండ్స్తో కలిసి యువతి చేసే పనులు ఇష్టం లేక.. ఆమెపై తల్లి కఠినంగా వ్యవహరించింది. ఇంట్లో నుంచి వెళ్లకుండా ఆంక్షలు పెట్టింది. దీంతో తల్లిపై ద్వేషం పెంచుకుంది యువతి.
అదే కోపంలో.. ఓ బాయ్ఫ్రెండ్తో కలిసి సోమవారం తల్లిపై దాడి చేసింది. తల్లి నిద్రిస్తున్న సమయంలోనే హత్య చేసింది. సమాచారం అందుకొని ఘటనా స్థలికి చేరుకున్న పోలీసులు యువతిని అదుపులోకి తీసుకున్నారు. మృతదేహాన్ని శవపరీక్షల నిమిత్తం ఆస్పత్రికి తరలించారు. తల్లిని తానే హత్య చేసినట్లు యువతి ఒప్పుకుంది. అయితే, ఇందుకు కారణాలను విని పోలీసులు షాక్ అయ్యారు. వ్యభిచారం చేయాలని తనపై తల్లి ఒత్తిడి చేసిందని పోలీసులతో చెప్పింది యువతి. అందుకే హత్య చేసినట్లు తెలిపింది. దీంతో ఈ విషయంపై కేసు నమోదు చేసుకొని పోలీసులు విచారణ జరుపుతున్నారు.
ఇదీ చదవండి: కూతురిపై వేధింపులు.. తల, కాళ్లు నరికి తండ్రి ప్రతీకారం!
